پرنس بہاول خان عباسی کی مخدوم علی حسن گیلانی کی نماز جنازہ میں شرکت کے لیے لاہور سے آمد

ولیعہد بہاولپور نے اوچشریف میں نماز جنازہ میں شرکت کے بعد مخدوم علی حسن گیلانی کے کزن مخدوم سید عامر علی شاہ سے تعزیت کی

احمد پور شرقیہ (سٹاف رپورٹر) امیر آف بہاولپور نواب صلاح الدین عباسی کے ولی عہد پرنس بہاول عباس خان عباسی سابق ایم این اے مخدوم سید علی حسن گیلانی کے ٹریفک حادثہ میں جان بحق ہونے کی اطلاع ملتے ہی لاہور سے اپنی آبائی اقامت گاہ صادق گڑھ محل آئے جسکے بعد اُنہوں نے اوچشریف میں مخدوم علی حسن گیلانی کی نماز جنازہ میں شرکت کی -بعدازاں پرنس بہاول عباس خان عباسی نے مخدوم سید علی حسن گیلانی کے ماموں زاد بھائی مخدوم سید عامر علی شاہ ایم پی اے سے تعزیت کی اور مخدوم علی حسن گیلانی کے انتقال پر اپنے دلی افسوس کا اظہار کیا -اطلاعات کے مطابق ولیعہد پرنس بہاول عباس خان عباسی آج دو دسمبر بروز سوموار واپس لاہور روانہ ہوں گے –