صدر آصف علی زرداری کی طبیعت خراب، کراچی کے نجی ہسپتال منتقل

کراچی : صدر مملکت آصف علی زرداری کو طبیعت خراب ہونے پر نواب شاہ سے کراچی کے نجی ہسپتال میں منتقل کردیا گیا۔ ذرائع کے مطابق صدرمملکت آصف علی زرداری کا کراچی کلفٹن میں واقع ڈاکٹر ضیاء الدین ہسپتال میں علاج جاری ہے ، انہیں زکام اور بخار کی وجہ سے ہسپتال منتقل کیا گیا ہے۔ ذرائع نے بتایا کہ صدر مملکت کے میڈیکل ٹیسٹ کیے گئے ہیں، ڈاکٹر عاصم حسین کی زیر نگرانی میڈیکل ٹیم صدر مملکت کا علاج کررہی ہے، ہسپتال میں کراچی سے تعلق رکھنے والے پارٹی رہنما و عہدے دار موجود ہیں۔ خیال رہے آصف علی زرداری جس وارڈ میں داخل ہیں اس فلور پر غیر متعلقہ افراد کو جانے کی اجازت نہیں ہےب ہونے پر نواب شاہ سے کراچی کے نجی ہسپتال میں منتقل کردیا گیا۔ گورنرسندھ کامران خان ٹیسوری نے صدر مملکت آصف علی زرداری کے معالج ڈاکٹر عاصم کو فون کیا، انہوں نے آصف زرداری کی خیریت معلوم کی اور نیک خواہشات کا اظہار کیا۔

وزیراعظم کی جانب سے صدرمملکت کی مزاج پرسی

وزیراعظم کے دفتر سے جاری بیان کے مطابق وزیرِ اعظم شہباز شریف نے صدر مملکت آصف علی زرداری کی بیماری کے حوالے سے خبروں پر ان سے رابطہ کیا اور صدر مملکت کی مزاج پرسی کی۔ وزیرِ اعظم شہباز شریف نے صدر مملکت آصف علی زرداری کی جلد صحت یابی کی دعا کی اور کہا کہ اللہ تعالی آپ کو جلد صحت کاملہ عطا فرمائے، پوری قوم کی دعائیں آپ کے ساتھ ہیں