عید میلادالنبی کی روحانی تقریب کا اہتمام ڈسٹرکٹ پریس کلب بہاول نگر کے صدر محمد احمد چوہدری نے کیا تھا — خواتین کے بعد ننھے منے بچوں نے بھی سیدہ نجمہ بخاری مرحومہ کے درجات کی بلندی کے لیے دعا کی
بہاول نگر: بہاول نگر کے نامور صحافی جناب گلزار احمد چوہدری مرحوم کے بڑے صاحبزادے محمد احمد چوہدری ڈسٹرکٹ پریس کلب بہاول نگر کے صدر ہیں اور اے آر وائی ڈیجیٹل کے ضلعی نمائندہ خصوصی بھی ہیں-
انہوں نے اگلے روز پریس کلب بہاول نگر کے زیر اہتمام سمیع اللہ فاؤنڈیشن سکول میں جشن عید میلاد النبی کی روحانی تقریب منعقد کی جس میں معزز خواتین شریک ہوئیں -اس تقریب میں مدیر روزنامہ نوائے احمد پور شرقیہ احسان احمد سحر کی اہلیہ سیدہ نجمہ بخاری مرحومہ کے ایصال ثواب کے لیے فاتحہ خوانی بھی کی گئی-میلاد کے بعد سکول کے ننھے منے بچوں نے بھی سیدہ نجمہ بخاری مرحومہ کے درجات کی بلندی کے لیے دعا کی
