معروف مسلم لیگی رہنما میاں محمد یونس کے چھوٹے بھائی کاروباری شخصیت میاں محمد منور انتقال کرگئے
نماز جنازہ ٹینکی والا گراؤنڈ میں ادا کی گئی تاجران اور کاروباری شخصیات سمیت شہریوں کی بڑی تعداد نے شرکت کی
مدیر احسان احمد سحر کا میاں محمد منور کے انتقال پر میاں محمد یونس اور صاحبزادوں سے اظہار تعزیت سوگواران کے صبر جمیل کی دعا کی
احمد پور شرقیہ (سٹاف رپورٹر) مرکزی انجمن تاجران کے سابق صدر و معروف مسلم لیگی رہنما میاں محمد یونس کے چھوٹے بھائی سرکردہ کلاتھ مرچنٹ میاں محمد منور طویل علالت کے بعد انتقال کر گئے- ان کی نماز جنازہ ٹینکی والا گراؤنڈ سیٹلائٹ ٹاؤن میں ادا کی گئی جس میں بڑی تعداد میں شہریوں اور تاجروں سمیت ہر شعبہ زندگی سے تعلق رکھنے والے افراد نے شرکت کی- نماز جنازہ کی ادائیگی کے بعد میاں محمد منور کے جسد خاکی کو آبائی قبرستان میں سپرد خاک کر دیا گیا- خیال رہے کہ میاں محمد منور مرحوم ماہر تعلیم میاں محمد عرفان منور اور پیسٹی سائیڈ ڈیلر میاں محمد عمران منور کے والد تھے-مدیر احسان احمد سحر نے میاں محمد منور کے انتقال پر اُنکے بڑے بھائی میاں محمد یونس اور صاحبزادوں کے علاوہ سوگوار خاندان سے اظہار تعزیت کرتے ہوئے دعاکی ہے کہ اللہ تعالی میاں محمد منور مرحوم کو جنت الفردوس میں جگہ دے اور پسماندگان کو یہ صدمہ برداشت کرنے کی ہمت عطا کرے آمین