وزیراعظم شہبازشریف نے امیر قطر شیخ تمیم بن حمد الثانی کو ٹیلی فون کیا۔
وزیراعظم نے امیر قطر کو عید کی مبارکباد دی اور قطر کے عوام کیلئے نیک تمناؤں کا اظہار کیا
امیر قطر نے بھی وزیراعظم کو عید کی مبارکباد دی اور پاکستانی عوام کیلئے خیرسگالی کے جذبات کا اظہار کیا۔
اعلامیے کے مطابق وزیراعظم نے امیر قطر کو پاکستان کا دورہ کرنے کی دعوت دی جس پر امیر قطر نے انہیں قطر کے دورے کی جوابی دعوت دی۔
دونوں رہنماؤں نے دوطرفہ سیاسی ومعاشی روابط کو نئی بلندیوں سے ہمکنار کرنے کے عزم کا اعادہ کیا اور باہمی دلچسپی کے تمام امور پر قریبی رابطہ استوار رکھنے اور مل کر چلنے پر اتفاق کیا۔
