مخیر حضرات سیلاب سے متاثرہ بھائیوں کی مدد کے لئے میدان میں اتریں عارف عزیز شیخ

سیلاب متاثرین اس وقت ہماری توجہ کے منتظر ہیں مخیر حضرات مل کر اپنے متاثرہ بھائیوں کی مدد کے لئے بھرپور جدوجہد کریں یہ وقت سیاست کا نہیں انسانیت کا ہے ان خیالات کا اظہار انہوں نے مخدوم امجد بخاری، خورشید بھٹی، مہر بشیر احمد اور رانا ساجد غفار کے ہمراہ عمائدین علاقہ اور صحافیوں سے گفتگو کرتے ہوئے کیا ۔ انہوں نے کہا کہ سیلاب قدرتی آفت ہے اس کا مل جل کر مقابلہ کرنا ہے سیلاب متاثرین ہماری توجہ کے منتظر ہیں مخیر حضرات ان متاثرینِ کے لئے میدان میں اتریں کیونکہ نیکی کا صلہ اللہ تعالیٰ خود دیتا ہے۔ عارف عزیز شیخ نے کہا کہ سیلاب سے متاثرہ علاقے آفت زدہ ہیں ہم سب کو مل کر سیلاب متاثرین کی مدد کے لئے اپنے اپنے حصے کا چراغ جلانے کی ضرورت ہے۔ انہوں نے کہا کہ  مال دار طبقہ ان متاثرین کی امداد کے لئے گھروں سے باہر نکلے۔