کڈنی سینٹر بہاولپور کے شعبہ نیفرالوجی کے سربراہ پروفیسر ڈاکٹر سہیل اقبال ملک کا نشتر میڈیکل یونیورسٹی ملتان تبادلہ منسوخ کیا جائے

پنجاب پبلک سروس کمیشن کے اوپن میرٹ کے نتائج کی روشنی میں ڈاکٹر سہیل اقبال ملک کو گریڈ 19 میں ترقی دے کر بطور ایسوسی ایٹ پروفیسر نشتر میڈیکل یونیورسٹی ملتان تعینات کر نے کا نوٹیفکیشن جاری کیاگیا

ڈاکٹر سہیل اقبال ملک کڈنی سینٹر بی وی ہسپتال میں بطور ایڈہاک ایسوسی ایٹ پروفیسر کے ان دنوں خدمات انجام دے رہے ہیں جبکہ قائد اعظم میڈیکل کالج میں یہ آسامی خالی ہونے کے باوجود ان کی یہاں تقرری عمل میں نہیں لائی گئی

پروفیسر ڈاکٹر سہیل اقبال ملک کے تبادلے سے کڈنی سینٹر بہاولپور کے نیفرالوجی ڈیپارٹمنٹ کی کارکردگی متاثر ہوگی جہاں روزانہ سینکڑوں کی تعداد میں مریضوں کے مفت ڈائلسز کے علاوہ گردوں کےٹرانسپلانٹ بھی کئے جاتے ہیں سنجیدہ حلقوں کا وزیراعلی پنجاب صوبائی وزیر صحت اور سیکرٹری سپیشلائزڈ ہیلتھ اینڈ کیئر سے فلفور نوٹس لینے کی اپیل

بہاولپور (سٹاف رپورٹر) حکومت پنجاب کے سپیشلائزڈ اینڈ میڈیکل ایجوکیشن ڈیپارٹمنٹ نے پنجاب پبلک سروس کمیشن کے اوپن میرٹ کے نتائج کی روشنی میں بہاول وکٹوریہ ہسپتال کے کڈنی سینٹر کے نیفرالوجی ڈیپارٹمنٹ کے سربراہ ڈاکٹر سہیل اقبال ملک کو گریڈ 19 میں ترقی دے کر نشتر میڈیکل یونیورسٹی ملتان کے نیفرالوجی ڈیپارٹمنٹ میں بطور ایسوسی ایٹ پروفیسر تعینات کر دیا ہے- خیال رہے کہ ڈاکٹر سہیل اقبال ملک کڈنی سینٹر بی وی ہسپتال کے نیفرالوجی ڈیپارٹمنٹ کے سربراہ کے طور پر بطورِ ایڈہاک ایسوسی ایٹ پروفیسر ان دنوں خدمات سرانجام دے رہے ہیں جہاں گردے کے امراض میں مبتلا مریضوں کے فری ڈائلاسز اور ٹرانسپلانٹ کیے جاتے ہیں جس سے جنوبی پنجاب کے دورافتادہ علاقوں کے نادار اور غریب مریض بھی مستفید ہو رہےہیں۔

حیرت اس امر کی ہے کہ قائد اعظم میڈیکل کالج بہاولپور میں نیفرالوجی کے ایسوسی ایٹ پروفیسر کی آسامی خالی ہے تو ڈاکٹر سہیل اقبال ملک کو یہاں کیوں نہیں تعینات کیا گیا – سنجیدہ حلقوں نے وزیراعلی پنجاب صوبائی وزیر صحت اور سیکرٹری سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ حکومت پنجاب سے مطالبہ کیا ہے کہ وہ پروفیسر ڈاکٹر سہیل اقبال ملک کے نشتر میڈیکل یونیورسٹی بہاولپور تبادلے کے احکامات منسوخ کریں کیونکہ ان کے تبادلے سے کڈنی سینٹر کی کارکردگی متاثر ہوگی جہاں گردے کے مختلف امراض میں مبتلا سینکڑوں افراد کا شب و روز علاج معالجہ کے ساتھ ساتھ آپریشنز اورگردوں کے ٹرانسپلانٹ کا سلسلہ جاری ہے