پاکستان پیپلز پارٹی مزدور دوست جماعت ہے ملک شاہ محمد چنڑ ,ملک عبدالحنان اختر, جام محمد یعقوب جھلن
پیپلزپارٹی کے سیکرٹری اطلاعات , ،ڈپٹی انفارمیشن سیکرٹری اور تحصیل صدر پی پی پی کا یومِ مزدور کے موقع پر محنت کشوں کو زبردست خراج تحسین
بہاول پور: پاکستان پیپلزپارٹی ڈویژن بہاول پور کے سیکرٹری اطلاعات و سابق چیئرمین ٹاؤن کمیٹی سمہ سٹہ ملک شاہ محمد چنڑ ،ڈپٹی انفارمیشن سیکرٹری پی پی پی ڈویژن بہاول پور ملک عبدالحنان اختر اور تحصیل صدر پی پی پی جام محمد یعقوب جھلن نے یکم مئی یومِ مزدور کے موقع پر محنت کشوں کو زبردست خراج تحسین پیش کرتے ہوئے کہا کہ پاکستان پیپلز پارٹی مزدور دوست جماعت ہے اور محنت کشوں کے حقوق کے لیے ہمیشہ سے جدوجہد جاری رکھے ہوئے ہے۔
انہوں نے بے نظیر مزدور کارڈ کو مزدوروں کے تحفظ کے لیے انقلابی قدم قرار دیا اور کہا کہ پیپلز پارٹی نے ہمیشہ مزدوروں کے کندھے سے کندھا ملا کر ان کی اجرت اور عزت میں اضافے کی جنگ لڑی ہے۔انہوں نے کہا کہ جو مزدور دھوپ میں پسینہ بہاتا ہے اور وہی قوم کو ترقی کی راہ پر گامزن کرتا ہے۔انہوں نے کہاکہ سندھ حکومت کی طرف سے جاری کردہ بے نظیر مزدور کارڈ پیپلزپاٹی کی مزدور دوستی کا بین ثبوت ہے، جس کے تحت مزدوروں کو صحت اور دیگر سہولیات فراہم کی جا رہی ہیں۔