پاکستان نے سری لنکا کو 6 وکٹوں سے شکست دے کر ٹی 20 ٹرائی سیریز جیت لی

محمد نواز کو پلیئر آف دی میچ اور پلیئر آف دی سیریز قرار دیا گیا۔ محمدنواز نے فائنل میں چار اوورز میں 17 رنز دیکر 3 وکٹیں حاصل کیں

راولپنڈی : سہ ملکی ٹی 20 سیریز کے فائنل میچ میں پاکستان نے سری لنکا کو 6 وکٹ سے شکست دےکر ٹائٹل جیت لیا۔ فائنل میچ پاکستان نے سری لنکا کے خلاف ٹاس جیت کر فیلڈنگ کا فیصلہ کیا۔ سری لنکا کی ٹیم پہلے کھیلتے ہوئے 20 اوور میں 114 رنز پر آؤٹ ہوگئی۔ سری لنکا کی جانب سے کامل مشرا 59 رنز بنا کر نمایاں رہے، ان کے علاوہ کوئی بھی سری لنکن بیٹر پاکستانی بولرز کے سامنے نہ ٹک سکا۔ کوشل مینڈس نے 14 اور نسانکا نے 11 رنز بنائے۔ پاکستان کی جانب سے شاہین آفریدی اور محمد نواز نے 3،3 اور ابرار احمد نے 2 وکٹیں حاصل کیں۔

پاکستان نے 115 رنز کا ہدف ویں 19 ویں اوور میں 4 وکٹوں کے نقصان پر حاصل کرلیا۔ پاکستان نے ہدف 19 ویں اوور میں 4وکٹ پر حاصل کرلیا بابر اعظم 37 رنز بناکر ناٹ آؤٹ رہے، صائم ایوب نے 36 اور صاحبزادہ فرحان نے 23 رنز بنائے۔ سلمان علی آغا14 اور فخر زمان تین رنز بنا کر آؤٹ ہوئے۔ سری لنکا کی جانب سے پون رتنائیکے نے 2 کھلاڑیوں کو آؤٹ کیا۔ محمد نواز کو پلیئر آف دی میچ اور پلیئر آف دی سیریز قرار دیا گیا۔ محمدنواز نے فائنل میں چار اوورز میں 17 رنز دیکر 3 وکٹیں حاصل کیں جب کہ سیریز میں دس وکٹیں حاصل کیں۔