ربیع الاول کے جلوس کی ٹرالی اُلٹنے سے گیارہ سالہ بچہ بادشاہ جاں بحق بارہ زخمی

مبارک پور روڈ پر واقع اڈہ بوہڑ کے قریب ربیع الاول کے جلوس کی ٹرالی جس میں بچے سوار تھے موڑ کاٹتے ہوئے اُلٹ گئی
احمدپورشرقیہ (نامہ نگار) ربیع الاول کے جلوس کی ٹرالی اُلٹنے سے ایک گیارہ سالہ بچہ جاں بحق، جبکہ بارہ بچے زخمی ہوگئے۔ تفصیل کے مطابق مبارک پور روڈ پر واقع اڈہ بوہڑ کے قریب ربیع الاول کے جلوس کی ٹرالی جس میں بچے سوار تھے موڑ کاٹتے ہوئے اُلٹ گئی جس کے نتیجہ میں گیارہ سالہ بچہ بادشاہ جاں بحق ہوگیا۔ جبکہ بارہ بچے معمولی زخمی ہوگئے۔ ریسکیو ٹیم نے زخمی بچوں کوہسپتال پہنچایا جہاں انہیں طبی امداد دی جارہی ہے۔