اقلیتی صوبائی منسٹر رامیش سنگھ اروڑا کی سفارش پر احمد پور شرقیہ کے قدیمی قبرستان بیرو لعل وایمک کے لیے ایک کروڑ کا فنڈ ریلیز 

ہم رامیش سنگھ اروڑا حکیم طارق محمود چغتائی اور سردار گیان سنگھ کے بے حد مشکور ہیں کہ انہوں نے ہماری استدعا پر ہمارا دیرینہ مسئلہ حل کرایا منیارٹی رہنما

احمد پور شرقیہ(جان ایم چوھان سے) وزیراعلی پنجاب مریم نواز شریف نے اقلیتی صوبائی منسٹر رامیش سنگھ اروڑا کی خصوصی سفارش پر احمد پور شرقیہ کے قدیمی قبرستان بیرو لعل وایمک کی تزہین و آرایش کے لیے ایک کروڑ کا فنڈ ریلیز کر کے بہاولپور لوکل گورنمنٹ کے حوالے کر دیا ہے یہ فنڈ چیف منسٹر منیارٹی ڈیویلپمنٹ پروگرام کے تحت دیا گیا ہے بہت جلد قبرستان کا کام شروع کر دیا جائے گا

ان خیالات کا اظہار منیارٹی رہنما چوہدری بنسی لال گوردھن داس شنکر سردار عدنان سمیع گوگی رام عمران کامران وہاب امان ایم یوسف راحت بابر مسعود ایان روشن بہیل چاند کمار عرفان عفی ثاقب چند بابر یاسر رانجھا اور چاند بابو نے اپنے مشترکہ بیان میں کیا انہوں نے کہا کہ ہم رامیش سنگھ اروڑا حکیم طارق محمود چغتائی اور سردار گیان سنگھ کے بے حد مشکور ہیں کہ انہوں نے ہماری استدعا پر ہمارا دیرینہ مسئلہ حل کرایا

انہوں نے کہا کہ ہمارے اس قدیمی قبرستان کے کچھ حصے پر قبضہ کیا ہوا ہے ہماری مقامی انتظامیہ سے درخواست ہے کہ ہمارے قبرستان کی جو بہت زیادہ جگہ تھی اور اب تھوڑی رہ گئی ہے باقی پر قبضہ ہے لہذا ان حضرات سے قبضہ چھڑا کر ہمارے قبرستان کو زمین دی جائے انہوں نے کہا کہ قبرستان کا کچھ حصہ سڑک میں ایا ہےاور قبرستان کے کچھ حصے پر قابض ہیں لہذا اگر وہ خود بخود جگہ چھوڑ دیں تو بہتر ہوگا کیونکہ اس قبرستان میں ہمارے آباواجداد دفن ہیں ان اقلیتی رہنماؤں نے وزیراعلی پنجاب مریم نواز شریف کا شکریہ ادا کرتے ہوئے کہا کہ ہمارے اس قدیمی قبرستان کی طرف توجہ دے کر جو گرانٹ دی ہے وہ قابل تحسین عمل ہے