پرنس بہاول خان عباسی کی تحریک پر ضلعی انتظامیہ نے آج مزید پچاس خیمے اوچشریف کے سیلاب زدگان کے لئے بھجوا دیے

انتظامیہ کے زمہ داران ازخود خیمےسیلاب زدگان میں تقسیم کریں پرنس بہاول عباس خان عباسی کا اسسٹنٹ کمشنر محمد نوید حیدر کو پیغام میری ٹیم صرف متاثرین کی نشان دہی کرےگی‬

اوچشریف ( کرائم رپورٹر) کمشنر بہاولپور ڈویژن محترمہ مسرت جبین کے احکامات اور پرنس بہاول عباس خان عباسی کی تحریک کی روشنی میں اوچشریف کے سیلاب زدگان کے لیے ضلعی انتظامیہ نے آج مزید 50 خیمے بھجوا دیے اس طرح پرنس بہاول عباس خان عباسی عباسی کی تحریک پر  اب تک دو دنوں میں 110 خیمے بھجوائے گئے ہیں  جنمیں سے 60  خیمے  گذشتہ روز کمشنر  مسرت جبیں نے اپنے وزٹ کے دوران تقسیم کرائے تھے –

تفصیلات کے مطابق اسسٹنٹ کمشنر احمد پور شرقیہ محمد نوید حیدر نے اس بارے میں مطلع کیا تھا جس پر ولی عہد پرنس بہاول عباس خان عباسی عباسی نے کہا کہ وہ یا ان کی ٹیم ان خیموں کو وصول نہیں کرے گی بلکہ مقامی انتظامیہ کے ذمہ داران از خود  سیلاب زدگان میں ان خیموں کو تقسیم کریں  جن کی نشاندہی ان کی ٹیم کے اراکین موقع پر کر دیں گے پرنس بہاول عباس عباسی کا کہنا تھا کہ وہ اس موقع پر کسی قسم کی سیاست نہیں کرنا چاہتے کیونکہ یہ وقت سیلاب زدگان   کی زیادہ سے زیادہ مدد  کرنے کا ہے تاکہ سیلابی پانی اترنے کے بعد اُنکی بحالی کا عمل شروع ہو سکے