نامعلوم افراد نے محلہ کٹڑاہ احمد خان میں فائرنگ کر کے نعمان ارشد کو قتل کر دیا

مقتول نعمان ارشد اپنے بھائی رضوان ارشد کے ہمراہ مچھلی بازار سے دودھ لے کر گھر واپس جارہا تھا جس پر فائرنگ کی گئی

فائرنگ ارائیاں والی مسجد والی گلی میں کی گئی سٹی پولیس نے مقدمہ درج کر کے ملزمان کی تلاش شروع کردی

 احمدپورشرقیہ( نامہ نگار ) نامعلوم افراد نے فائرنگ کرکے نوجوان کو قتل کردیا۔ پولیس نے مقدمہ درج کرکے کاروائی شروع کردی  ۔ تفصیل کے مطابق محمد رضوان ارشد نے تھانہ سٹی کو بتا یا کہ میں اپنے بھائی نعمان ارشد   کے ہمراہ مچھلی بازار سے دودھ لے کر واپس آرہے تھے جب ہم آرائیاں والی مسجد والی گلی محلہ کٹڑہ احمد خان پہنچے تو پیچھے سے دو نامعلوم افراد مسلح پسٹل تیس بور آگئے ۔ اور فائرنگ شروع کر دی ۔ جس سے میر ا بھائی نعمان ارشد شدید زخمی ہوگیا اسے فوری طور پر تحصیل ہیڈکوارٹر ہسپتال  لے گئے۔ تاہم وہ زخموں کی تاب نہ لاتے ہوئے جاں بحق ہوگیا۔ پولیس تھانہ سٹی نے مقدمہ درج کرکے کاروائی شرو ع کردی ہے ۔