سابق وزیراعظم ذوالفقار علی بھٹو کو بعد از وفات نشان پاکستان عطا

ایوان صدر میں ہونے والی اعلیٰ ترین سول اعزازات دینے کی تقریب میں ذوالفقار علی بھٹو کی صاحبزادی صنم بھٹو نے ایوارڈ وصول کیا

اسلام آباد: سابق وزیر اعظم پاکستان ذوالفقار علی بھٹو کو بعد از وفات نشانِ پاکستان سے نوازا گیا۔  سابق وزیراعظم اور پیپلزپارٹی کے بانی شہید ذوالفقار علی بھٹو کو ملک، جمہوریت اور عوام کی نمایاں خدمت کے اعتراف می بعد از مرگ نشان پاکستان سے نوازا گیا، یہ ایوارڈ اُن کی صاحبزادی صنم بھٹو نے صدر مملکت سے وصول کیا، اس موقع پر وہ فرط جذبات پر قابو نہ رکھ سکیں جبکہ پنڈال بھی بھٹو کے نعروں سے گونج اٹھا۔   اس موقع پر ذوالفقار علی بھٹو کی نواسی آصفہ بھٹو زرداری بھی موجود تھیں۔  تقریب میں مختلف شعبہ ہائے زندگی میں نمایاں خدمات انجام دینے والے افراد کو سول اعزازت سے نوازا گیا۔