پنجاب پروفیسرز اینڈ لیکچررز ایسوسی ایشن گورنمنٹ صادق عباس گریجویٹ کالج یونٹ کی تقریبِ حلف برداری
پروفیسر شہزاد احمد خان نے پروفیسرز اینڈ لیکچررز ایسوسی ایشن گورنمنٹ صادق عباس گریجویٹ کالج یونٹ کے صدر اور دیگر عہدیداران نے اپنے عہدوں کا حلف اٹھا لیا تقریب کی صدارت پرنسپل پروفیسر شاہد حسین مغل نے کی جبکہ مدیر احسان احمد سحر مہمان خصوصی تھے
ڈیرہ نواب صاحب ( پروفیسر ڈاکٹر محمد عمران صارم سے ) گورنمنٹ صادق عباس گریجویٹ کالج، ڈیرہ نواب صاحب میں پنجاب پروفیسرز اینڈ لیکچررز ایسوسی ایشن کے حالیہ انتخابات میں کامیاب ہونے والے متفقہ پینل (لوکل یونٹ) کے نومنتخب عہدیداران کی پُروقار تقریبِ حلف برداری منعقد ہوئی۔ تقریب کے مہمانِ خصوصی ممتاز سینئر صحافی، بانی جرنلسٹس الائنس پاکستان اور چیف ایڈیٹر روزنامہ "نوائے احمد پور شرقیہ” احسان احمد سحر تھے، جبکہ تقریب کی صدارت پرنسپل گورنمنٹ صادق عباس گریجویٹ کالج شاہد حسین مغل نے کی۔ تقریب میں نظامت کے فرائض پروفیسر ڈاکٹر سجاد علی نے سرانجام دیے۔
پرنسپل شاہد حسین مغل نے پنجاب پروفیسرز اینڈ لیکچررز ایسوسی ایشن لوکل یونٹ کے نومنتخب عہدیداران سے ان کے عہدوں کا حلف لیا۔ حلف اٹھانے والے عہدیداران میں درج ذیل اساتذہ شامل ہیں: * صدر: پروفیسر شہزاد احمد خان * سینئر نائب صدر: پروفیسر شمائلہ یعقوب * نائب صدر: پروفیسر سید رب نواز * جنرل سیکرٹری: پروفیسر راشد رسول خان * فنانس سیکرٹری: پروفیسر ملک اعجاز الحق * جوائنٹ سیکرٹری (خاتون): پروفیسر عندلیب کہوش * جوائنٹ سیکرٹری: پروفیسر عمیر رحمٰن * پریس سیکرٹری: پروفیسر ڈاکٹر محمد عمران صارم اس موقع پر سابق پرنسپل پروفیسر شاہد سراج، پروفیسر چوہدری ظفر اقبال پروفیسر ڈاکٹر الطاف ڈاہر نے نومنتخب باڈی کو مبارکباد پیش کرتے ہوئے اساتذہ کے مسائل کے حل اور ادارے کی تعلیمی ترقی کے لیے نیک تمناؤں کا اظہار کیا۔

ڈیرہ نواب صاحب:پنجاب پروفیسرز اینڈ لیکچررز ایسوسی ایشن گورنمنٹ صادق عباس گریجویٹ کالج یونٹ کے نو منتخب صدر پروفیسر شہزاد احمد خان حلف برداری کی تقریب سے خطاب کر رہے ہیں جبکہ پرنسپل پروفیسر شاہد حسین مغل اور مہمان خصوصی بانی جرنلسٹس الائنس پاکستان احسان احمد سحر سٹیج پر موجود ہیں
پرنسپل شاہد حسین مغل نے اپنے خطاب میں نومنتخب عہدیداران کو مبارکباد دی اور اس امید کا اظہار کیا کہ نئی قیادت اساتذہ برادری کے وقار کی بلندی اور کالج کے تعلیمی ماحول کی بہتری میں اپنا بھرپور کردار ادا کرے گی۔ تقریب کے اختتام پر تمام شرکاء کے اعزاز میں پُرتکلف ریفریشمنٹ کا بھی اہتمام کیا گیا۔ ،

