احمد پورشرقیہ میں نئی سبزی منڈی کے قیام سے کاروباری سرگرمیوں میں اضافہ ہو گا صاحبزادہ گزین عباسی

جدید سہولیات سے مزین اس کاروباری مرکز کے قیام پر میں شہریوں اور سبزی منڈی کے آڑھتیوں کو مبارکباد پیش کرتا ہوں
 ایم پی اے و صوبائی پارلیمانی سیکرٹری کا  نئی سبزی منڈی گرین الائنس سبزی وفروٹ منڈی کی افتتاحی تقریب سے خطاب 

احمدپورشرقیہ (نامہ نگار)ایم پی اے و صوبائی پارلیمانی سیکرٹری صاحبزادہ  گزین عباسی ،نے کہا ہے کہ ا حمدپورشرقیہ میں نئی سبزی منڈی کے قیام سے نہ صرف کاروباری سرگرمیوں میں اضافہ ہو گا۔بلکہ نئے لوگوں کوبھی  روزگارملے گا۔گزشتہ روز شہر میں تعمیر ہونے والی نئی سبزی منڈی گرین الائنس سبزی وفروٹ منڈی کی افتتاحی تقریب سے خطاب کرتے ہوئے انہوں نے کہا کہ جدید سہولیات سے مزین اس کاروباری مرکز کے قیام پر میں شہریوں اور سبزی منڈی کے آڑھتیوں کو مبارکباد پیش کرتا ہوں ۔

اس سے پہلے گرین الائنس فروٹ اور سبزی منڈی کے سی ای او انجینئر جاوید اکبر ڈھلوں اور ڈائریکٹران چوہدری محمد ندیم اور چوہدری عمر فاروق نے تقریب سے خطاب کرتے ہوئے کہا کہ صوبائی حکومت کے ادارے پامرا کی منظوری سے تعمیر ہونے والی اس جدید سبزی منڈی میں آڑھتیوں اور یہاں خریداری کے لیے آنے والے لوگوں کی تمام ضروریات کو مدنظر رکھا گیا ہے انہوں نے کہا سبزی منڈی کی تعمیر میں تمام سرکاری اداروں کے تعاون پر وہ ان کے مشکور ہیں ۔افتتاحی تقریب ایم پی اے سردار خالد محمود وارن کے علاؤہ معززین شہر ،کاروباری شخصیات ،سبزی منڈی کے سرپرست اعلیٰ حاجی عبد المجید بڈانی،صدر سبزی منڈی ریاض احمد قریشی ،جنرل سیکرٹری جبران علی کمبوہ ،حاجی محمد سلیم بڈانی،کے علاؤہ آڑھتیوں اور شہریوں کی بڑی تعداد نے شرکت کی