امیر بہاولپور نواب صلاح الدین عباسی کا سالانہ میڈیکل چیک اپ ولی عہد پرنس بہاول خان عباسی کے ہمراہ لندن روانہ ہو گئے

دو ہفتے بعد وطن واپس لوٹ لیں گے پاکستان واپسی کے بعد گروپ کے قائدین اور سپورٹروں سے مشاورت کر کے مستقبل کا سیاسی لائحہ عمل طے کروں گا پرنس بہاول خان عباسی کی گفتگو

امیر بہاولپور نواب صلاح الدین عباسی اپنے سالانہ میڈیکل چیک اپ کے لیے لاہور سے لندن روانہ ہو گئے ان کے صاحبزادے ولی عہد پرنس بہاول عباس خان عباسی بھی ان کے ہمراہ ہیں – پرنس بہاول عبّاس خان عباسی اپنے والد نواب صلاح الدین عباسی کے سالانہ طبی معائنے کے لیے دو ہفتے برطانیہ میں قیام کریں گے اور اپنے والد نواب صلاح الدین عباسی کا میڈیکل چیک اپ مکمل ہونے کے بعد ان کے ساتھ لاہور واپس ائیں گے –

برطانیہ روانگی سے قبل لاہور سے ٹیلی فون پر گفتگو کرتے ہوئے پرنس بہاول عباس خان عباسی نے کہا کہ ان کا لندن کا یہ دورہ خالصتا اپنے والد گرامی کے میڈیکل چیک اپ کے لیے ہے -وہ وطن واپسی پر اپنے گروپ کے تمام قائدین اور سپورٹرز سے تفصیلی مشاورت کریں گے جس میں وہ اپنے مستقبل کے سیاسی لائحہ عمل کا فیصلہ کریں گے اس مشا ورت میں اس بارے میں بھی طے کیا جائے گا کہ آیا وہ کسی سیاسی جماعت میں شمولیت اختیار کریں گے یا وہ عام انتخابات میں آزاد اُمیدوار کے طور پرحصہ لیں گے-