نواب صلاح الدین عباسی اور پرنس بہاول خان عباسی عید منانے صادق گڑھ پیلس پہنچ گئے

امیر آف بہاولپورنواب صلاح الدین عباسی اور ولیعہد بہاولپور پرنس بہاول خان عباسی نے اپنی بیگمات کے ہمراہ اپنا روزہ مبارک محل میں افطار کیا

ڈیرہ نواب صاحب (سٹاف رپورٹر) امیر آ ف بہاولپور نواب صلاح الدین عباسی اور ولی عہد پرنس بہاول عباس خان عباسی عیدالفطر منانے اسلام آباد سے اپنی آبائی اقامت گاہ صادق گڑھ پیلس ڈیرہ نواب صاحب پہونچ گئے -تفصیلات کے مطابق نواب آف بہاولپور صلاح الدین عباسی اپنے اہل خانہ کے ہمراہ بہاول پور ہاؤس سے بروز جمعۃ المبارک کی شام اپنے آبائی شہر ڈیرہ نواب صاحب تشریف لائے- امیر بہاولپور کی اہلیہ محترمہ اور ولی عہد بہاول عباس خان عباسی کی اہلیہ محترمہ بھی ان کے ہمراہ ہیں-امیر آف بہاولپور کی فیملی نے روزہ آبائی اقامت گاہ مبارک محل میں افطار کیا