نواب صلاح الدین عباسی اورپرنس بہاول خان عباسی کی آپریشن "بنیان مرصوص” کی کامیابی پر آرمی چیف جنرل عاصم منیر اور پاک فضائیہ کے سربراہ کو مبارکباد
وطن عزیز کے دفاع کے لیے پوری پاکستانی قوم اپنی بہادر مسلح افواج کے شانہ بشانہ کھڑی ہے جس نے دس مئی کو نماز فجر کی ادائیگی کے بعد بے گناہوں کے خون کا بدلہ لے لیا امیر بہاولپور اور ولیعہد بہاولپور کا مشترکہ بیان
لاہور ( سٹاف رپورٹر) امیر آف بہاولپور نواب صلاح الدین عباسی اور ولیعہد پرنس بہاول عباس خان عباسی نے پاکستان کی مسلح افواج کے سربراہ جنرل سید عاصم منیر اور پاک فضائیہ کے سربراہ ایر چیف مارشل ظہیر احمد بابر کو بھارتی جارحیت اور میزائل حملوں کا منہ توڑ جواب دینے پرمبارک باد دی ہے نیز مسلح افواج کی غیر معمولی پیشہ وارانہ مہارت اور بہادری کو سراہا ہے
اپنے مشترکہ اخباری بیان میں اُنہوں نے کہا کہ پوری پاکستانی قوم کو مسلح افواج کے آپریشن "بنیان مرصوص” پر ناز ہے جس نے نہ صرف اُمت مسلمہ کا سر فخر سے بلند کر دیا بلکہ بھارت کا غرور بھی خاک میں ملا دیا – نواب صلاح الدین عباسی اور ولیعہد پرنس بہاول عباس خان عباسی نے کہا کہ وطن عزیز کے دفاع کے لیے پوری پاکستانی قوم اپنی بہادر مسلح افواج کے شانہ بشانہ کھڑی ہے جس نے دس مئی کو نماز فجر کی ادائیگی کے بعد بے گناہوں کے خون کا بدلہ لے لیا – ہماری دعا ہے کے اللہ تعالیٰ پاکستان اور ہماری مسلح افواج کا حامی و ناصر ہو ( آمین)