اسلام آباد خود کش دھما کے میں ملوث دہشت گردوں کی بزدلانہ کاروائی کے خلاف پوری قوم اداروں کے ساتھ کھڑی ہےصاحبزادہ محمد گزین عباسی

پہلے بھی ہمارے ملک کی عوام نے دہشت گردوں کو شکست دی ہے۔ اب بھی پوری قوم اس کا مقابلہ ڈٹ کر کرے گی صوبائی پارلیمانی سیکرٹری و ایم پی اے

احمد پور شرقیہ (نامہ نگار) صوبائی پارلیمانی سیکرٹری ایم پی اے صاحبزادہ محمد گزین عباسی نے کہا ہے کہ اسلام آباد خود کش دھما کے میں ملوث دہشت گردوں کی بزدلانہ کاروائی کے خلاف پوری قوم اداروں کے ساتھ کھڑی ہے۔ اور اس دہشت گرد کاروائی میں جاں بحق ہونے والوں کے ورثاء کو تنہا نہیں چھوڑا جائے گا۔ اپنی رہائش گاہ پر عوامی وفود سے ملاقات میں انہوں نے کہا اس طرح کی بزدلانہ کاروائیاں ہماری بہادر عوام کے ارادوں کو کمزور نہیں کر سکتی ۔ انہوں  نے کہا پہلے بھی ہمارے ملک کی عوام نے دہشت گردوں کو شکست دی ہے۔ اب بھی پوری قوم اس کا مقابلہ ڈٹ کر کرے گی۔ انہوں نے کہا ترقی اور عالمی سطح پر پاکستان کا وقار بلند ہورہا ہے۔ پوری قوم دہشت گردی کے خلاف سیسہ پلائی دیوار ثابت ہوگی۔ اس موقع پر ملک اجمل تھیم ، ملک محمد اسلم بھی موجود تھے ۔