میرے والد نواب صلاح الدین عباسی نے نہ کسی سے زیادتی کی اور نہ ہی ہونے دی پرنس بہاول خان عباسی
سرائیکی قومی اتحاد کے سربراہ ریٹائرڈ کرنل عبدالجبار خان عباسی کے بھائی سردار عبدالغفارعباسی کی رہائش گاہ پر عبدالستا رخان عباسی کی وفات پر فاتحہ خوانی کے بعد گفتگو
رحیم یار خان (نامہ نگار ) ولی عہد پرنس بہاول خان عباسی رحیم یار خان دڑی عظیم خان میں سرائیکی قومی اتحاد کے سربراہ ریٹائرڈ کرنل عبدالجبار خان عباسی کے بھائی سردار عبدالغفار عباسی کی رہائش گاہ پر شہزاد خان عباسی عرف چاند عباسی کے والد عبدالستا رخان عباسی کی وفات پر فاتحہ خوانی کے لیے پہنچے اور ان کے خاندان سے اظہار تعزیت کرتے ہوہے دعائے مغفرت کی اس موقع پر پرنس بہاول خان عباسی کے ہمراہ سابق جج سردار یحییٰ خان کلاچی صاحبزادہ عادل میاں عباسی جام عبدالشکور جی پی اونر سردار فیصل عباسی ترنڈہ سوائے خان سے سردار حامد خان عباسی محمد طلال عباسی محمد عمران عباسی ,دبئی سے عزیز خان عباسی محمد ایوب عباسی ضیاءالدین عباسی احمد دین عباسی محمد شفیق عباسی اور میڈیا کوآرڈینٹر ڈویژن بہاولپور محمد سمیع اللہ عباسی موجود تھے
پرنس بہاول خان عباسی نے بات چیت کرتے ہوئے کہا کے پاکستان بھر میں عباسی اتحاد یکجا ہے ملک کے کسی بھی کونے میں قیام پذیر عباسی برادری کے فرد کے لیے میرے گھر کا دروازہ کھلا ہے انہوں نے کہا کے الحاج نواب سر صادق محمد خان عباسی مرحوم کی پاکستان کے لیے خدمات کسی سے ڈھکی چھپی نہیں ہیں انہوں نے ہمیشہ انسانت کی خدمت کی ہے عباسی خاندان نے آج تک کسی سے زیادتی نہیں کی ڈیرہ نواب صاحب کا شاھی مسکن آج تک امن کا پیش خیمہ ہے عباسی خاندان اور برادری کا متحد ہونا وقت کی ضرورت ہے پرنس بہاول خان عباسی نے کہا کہ میرے والد نواب صلاح الدین عباسی نے ریاست میں رہ کر نہ کسی سے زیادتی کی ہے اور نہ ہی ہونے دی ہے یہی وجہ ہے کہ اج بھی لوگ انہیں عزت و احترام سے دیکھتے ہیں