سعودی عرب، امارات سمیت دیگر خلیجی ممالک میں رمضان المبارک کا چاند نظر آگیا

آسٹریلیا، فلپائن، سنگاپور، انڈونیشیا، ملائیشیا، برونائی اور عمان میں اتوار کو رمضان کا چاند نظر نہیں آیا جس کی وجہ سے ان ممالک میں 12 مارچ کو رمضان المبارک کا پہلا دن ہوگا

 محکمہ موسمیات کے مطابق ملک میں سوموار کو چاند نظر آنے کا امکان ہے اور پاکستان میں پہلا روزہ 12 مارچ بروز منگل کو ہوسکتا ہے۔ 

ریاض: سعودی عرب اور خلیجی ممالک میں رمضان المبارک کا چاند نظر آگیا، کل پہلا روزہ ہوگا۔  سعودی سپریم کورٹ نے شہریوں سے اتوار کو رمضان المبارک کا چاند دیکھنے کی اپیل کی تھی۔ سعودی میڈیا کے مطابق سدیر میں رمضان کا چاند نظر آنے کی تصدیق کی گئی ہے۔  سعودی عرب، متحدہ عرب امارات اور دیگر خلیجی ممالک میں کل 11 مارچ بروز پیر کو یکم رمضان المبارک 1445 ہجری ہوگا۔ مسجد الحرام اور مسجد نبوی میں نماز تراویح کا آغاز آج عشاء کی نماز کے بعد ہوگا۔  دوسری جانب آسٹریلیا، فلپائن، سنگاپور، انڈونیشیا، ملائیشیا، برونائی اور عمان میں اتوار کو رمضان کا چاند نظر نہیں آیا جس کی وجہ سے ان ممالک میں 12 مارچ کو رمضان المبارک کا پہلا دن ہوگا  پاکستان میں چاند دیکھنے کیلئے مرکزی رویت ہلال کمیٹی کا اجلاس کل طلب کیا گیا ہے، محکمہ موسمیات کے مطابق ملک میں سوموار کو چاند نظر آنے کا امکان ہے اور پاکستان میں پہلا روزہ 12 مارچ بروز منگل کو ہوسکتا ہے۔