اسلامیہ یونیورسٹی اور پاکستان ساوی سلوشنز کے مابین مفاہمتی یاداشت پر دستخط

اسلامیہ یونیورسٹی آف بہاولپور اور پاکستان ساوی سلوشنزکے مابین باہمی تعاون کو مضبوط بنانے کے لیے ایک مفاہمتی یاداشت پر دستخط کیے گئے۔ انجینئر پروفیسر ڈاکٹر اطہر محبوب، وائس چانسلر،اسلامیہ یونیورسٹی بہاولپور نے مفاہمتی یاداشت پر دستخط کیے۔ مفاہمتی یاداشت کا مقصد غذائی تحفظ اور موسمیاتی تبدیلی کو فروغ دینے کے لیے سائنس اور ٹیکنالوجی کے اثرات کو پہنچانے کے لیے بات چیت اور تعاون کی حوصلہ افزائی کرنا تھا۔ اس موقع پر آن لائن سیمینار سے خطاب کرتے وہئے وائس چانسلر کا کہنا تھا کہ اس معاہدے کی مدد سے اسلامیہ یونیورسٹی بہاولپورخطے کے لاکھوں کسانوں تک پہنچ کر ان کی زندگی کو بہتر بنانے میں مدد کرے گی۔ کسانوں کی تربیت اور استعداد کار بڑھانے کے لیے یونیورسٹی کے دروازے کھلے ہیں۔ ہم یونیورسٹی کو جنوبی پنجاب کی علاقائی معیشت کی ترقی میں اہم کردار ادا کرتے ہوئے دیکھنا چاہتے ہیں۔ پروفیسر ڈاکٹر محمد اقبال بندیشہ، ڈین، فیکلٹی آف ایگریکلچر اینڈ انوائرمنٹل سائنسز، اسلامیہ یونیورسٹی بہاولپور نے کہا کہ فصل کی باقیات کے انتظام کے لیے مٹی اور پانی کی نمی کو بچانا انتہائی ضروری ہے۔ انہوں نے مزید کہا کہ یہ تعاون ماحولیات، پانی اور قدرتی وسائل کے انتظام سے نمٹنے کے لیے تحقیق اور ترقی کے مواقع پیدا کرے گا۔ یہ پلیٹ فارم خاص طور پر کسانوں کوجدید زرعی علم کے تبادلے اور تحقیقو توسیع اور آؤٹ ریچ سرگرمیوں کو مضبوط بنانے کے لیے ڈیجیٹل ٹولز کا ایک منفرد سیٹ فراہم کرے گا۔ SAWIE کے سی ای اوانجینئر مشتاق احمد گل نے کہا کہ یہ ایک ڈیجیٹل پلیٹ فارم ہے جو سیٹلائٹ کے ذریعے حاصل کی گئی معلومات کو استعمال کرتے ہوئے سمارٹ فارم ایڈوائزری خدمات پیش کرتا ہے۔ اس میں فصل کے تمام مراحل کے لیے موسم کی پیشن گوئی اور زرعی مشورے شامل ہیں۔ SAWIE سیٹلائٹ ایپلی کیشنز کا استعمال کرتے ہوئے ثابت شدہ فائدہ مند انتظامی طریقوں کے علمی تجربے اور جدید ترین ڈیجیٹل طریقے سے کسانوں کو ایک منفرد حل پیش کر رہا ہے۔ ساوی نے اپنی نوعیت کا پہلا پاکستا نی زرعی نیٹ ورک برائے پیداواری اضافہ شروع کیا ہے۔ اس سے کسانوں کو پانی کے فائدہ مند استعمال سے فصل کی پیداواری صلاحیت کو بہتر بنانے اور آمدنی میں اضافے کے لیینئے طریقے کارکو اپنائیں۔ رابعہ آفتاب، ڈائریکٹر آپریشنز SAWIE نے کہا، ہماری خواہش ہے کہ یونیورسٹی کی فیکلٹی اور طلباء کے ساتھ مل کر لاکھوں کسانوں تک پہنچیں تاکہ موسمیاتی تبدیلی سے درپیش چیلنجز کے بارے میں ان کے علممیں اضافہ کیا جاسکے۔ ڈاکٹر واجد نسیم جتوئی، ایسوسی ایٹ پروفیسر، شعبہ ایگرونومی نے کہاکہ وہ کسانوں تک رسائی کی ایک تنظیم کے ساتھ تعاون کے نئے دروازے کھولنے کے لیے پرجوش ہیں جو ڈیٹا اور حقائق پر یقین رکھتی ہے تاکہ ہمارے کاشتکاری کے طریقوں کو بہتر کیا جا سکے۔یہ مفاہمتی یاداشت زرعی ٹیکنالوجی کے فروغ، خوراک کی حفاظت، موسمیاتی تبدیلی، زرعی کاروبار، خواتین اور نوجوانوں کی ترقی اور ڈیجیٹل کنیکٹیویٹی کے ذریعے دیہی تبدیلی کے چیلنجوں سے نمٹنے میں تعاون کے راستے کھولے گا۔ اس سے جنوبی پنجاب کے دیہی علاقوں کو ایک متحرک دیہی انٹرپرائزنگ حب میں تبدیل کرنے میں مدد ملے گی۔ اس میں کیس اسٹڈیز، مختصر ویڈیوز، دستاویزی فلمیں، بوائی سے لے کر کٹائی، پروسیسنگ اور مارکیٹنگ تک فصل کے مخصوص پہلوؤں کو تیار کرنا شامل ہوگا۔ انہوں نے کہا ہمارا مقصد خدمت فراہم کرنے والوں کے نیٹ ورکس، فارمر فیلڈ سکولز (FSS) اور ویمن اوپن سکولز (WOS) کی ترقی کرنا ہے جو زراعت، لائیو سٹاک مینجمنٹ، کاٹیج انڈسٹری، مقامی فوڈ پروسیسنگ، اور انٹرپرینیورشپ میں تربیت فراہم کرتے ہیں۔ مہمانوں میں پروفیسر ڈاکٹر محمد امجد،ڈین، فیکلٹی آف انجینئرنگ اینڈ ٹیکنالوجی، پروفیسر ڈاکٹر شازیہ انجم ڈین، فیکلٹی آف سائنس، پروفیسر ڈاکٹر محمد حسین طاہرڈین، فیکلٹی آف کمپیوٹنگ، پروفیسر ڈاکٹر محمد خالد منصور ڈین، فیکلٹی آف ویٹرنری اینڈ اینیمل سائنسز،ڈاکٹر عون ثمر رضا چیئرمین شعبہ ایگرانومی، ڈاکٹر عابد شہزاد ڈائریکٹر، انٹرنیشنل لنکجز، ڈاکٹر آصف نوید رانجھا ڈائریکٹر، فنڈ ریزنگ اینڈ یونیورسٹی ایڈوانسمنٹ، ڈاکٹر اظہر حسین ڈائریکٹر، ایلومنائی افیئرز، رضوان مجید ڈائریکٹر انفارمیشن ٹیکنالوجی، سلمان محمود قریشی ڈائریکٹر سسٹین ایبل ٹورازم اسلامیہ یونیورسٹی بہاولپورشریک تھے۔