گاڑی کو اوور ٹیک کرتے ہوئے موٹر سائیکل سوار حادثہ میں جاں بحق

دائم والا کا رہائشی محمد اسحاق احمد پور شرقیہ سے بہاول پور جا رہا تھا کہ راستے میں حادثہ کا شکار ہو گیا

احمد پور شرقیہ (نامہ نگار ) گاڑی کو اوور ٹیک کرتے ہوئے حادثہ میں ایک شخص جاں بحق ہو گیا۔ تفصیل کے مطابق نواحی علاقہ دائم والا کا رہائشی محمد اسحاق موٹر سائیکل پر سوار ہو کر احمد پور شرقیہ سے بہاول پور جا رہا تھا کہ راستے میں گاڑی کو اوور ٹیک کرتے ہوئے حادثہ کا شکار ہو گیا۔ جس سے اس کے سر پر شدید چوٹیں آئیں۔ اسے ہسپتال لے جایا گیا جہاں وہ ایک دن موت و زندگی کی کشمش میں رہنے کے بعد زخموں کی تاب نہ لاتے ہوئے جاں بحق ہو گیا۔