بنیادی صحت مرکز راجڑ ہو کا ماڈل ہسپتال عنقریب تعمیر مکمل ہو جائے گی فاروق حمید شیخ

کسی ضلع ناظم تحصیل ناظم ایم این اے اور ایم پی اے کو عوام کی مشکلات دور کرنے کا خیال نہیں آیا

چنی گوٹھ تا چوک بھٹہ
کے ایل پی روڈ اور چنی گوٹھ تاکوٹ خلیفہ شکستہ سڑکوں کی تعمیر کا مرحلہ مکمل ہو گیا

اللہ تعالی کی عطا کردہ توفیق سے لاکھوں لوگوں کی زندگیوں میں آسانیاں پیدا کرنے اور ان کی مشکلات دور کرنے کا موقع نصیب ہوا اخباری بیان

چنی گوٹھ ( پ ر )پنجاب اسمبلی کے حلقہ پی پی 250 کے امیدوار اور خدمت عوام کمیٹی کے سرپرست اعلی فاروق حمید شیخ سابق سیکرٹری حکومت پنجاب نے اپنے اخباری بیان میں کہا ہے کہ

بی۔ ایچ۔ یو راجڑہو ایک ماڈل 24/7 ہسپتال مکمل ہونے والا ہے۔ بہت جلد مریضوں کے لیے کھل جائے گا۔
چنی گوٹھ ہسپتال سے اوچ شریف ہسپتال تک 20 کلو میٹر اور 20 سالوں سے پورے علاقے میں کوئی ہسپتال نہیں تھا۔ چنی گوٹھ سے چوک بھٹہ(ختم نبوت چوک) کے۔ایل۔پی روڈ تک اور چنی گوٹھ سے کوٹ خلیفہ تک سڑکیں ٹوٹ پھوٹ کا شکار تھیں۔ عوام شدید تکلیف اور مشکلات میں زندگی گزار رہی تھی۔ مریض راستے میں اللہ کو پیارے ہوجاتے تھے۔ کسی ایم۔این۔اے یا ایم۔پی۔ اے ، تحصیل ناظم اور ضلع ناظم کو بھی عوام کی مشکلات دور کرنے کا خیال نہیں آیا۔ الحمدللہ ! اللہ تعالی کی عطا کردہ توفیق سے لاکھوں لوگوں کی زندگیوں میں آسانیاں پیدا کرنے اور ان کی مشکلات دور کرنے کا موقع نصیب ہوا۔ ہسپتال بھی بن گیا اور سڑکیں بھی مکمل ہوگئیں۔