Advertisements

نہ سرجری نہ کیمو تھراپی، مریم نواز کا پنجاب میں جدید ترین ٹیکنالوجی متعارف کرانے کا فیصلہ

CM Maryam Nawaz
Advertisements

چین سے کینسر کا جدید طریقہ علاج اورمشینری لانے پر اتفاق،نوازشریف کینسرہسپتال میں نیا طریقہ علاج متعارف ہوگا

میڈیکل ٹیکنالوجیز کے صدر ڈاکٹر لو فو لیانگ سے ملاقات میں امور طے پا گئے, چین کے ایڈوانس میڈیکل سسٹم کے تحت کینسر کے 10ہزار مریض صحت یاب ہوچکے ہیں

Advertisements


لاہور 9 دسمبر۔ وزیراعلی پنجاب مریم نواز شریف نے پنجاب میں کینسر کے علاج کی جدید ترین ٹیکنالوجی متعارف کرانے کا فیصلہ کیا ہے۔ چین سے کینسر کا جدید طریقہ علاج اور مشینری لانے پر اتفاق کیاگیا۔سرجری اور کیمو تھراپی کے بغیر کینسر کا علاج ممکن ہو سکے گا۔نواز شریف کینسر ہسپتال میں چین کے تعاون سے جدید مشینری اور طریقہ علاج شروع کیا جائے۔وزیر اعلی پنجاب مریم نواز شریف نے چین کے سرکاری دورے کے دوران ہائی گیا میڈیکل ٹیکنالوجیز کے صدر ڈاکٹر لو فو لیانگ سے ملاقات میں امور طے پا گئے۔

ڈاکٹر فولیانگ کی کمپنی عالمی سطح پر کینسر کے جدید ترین علاج اور مشینری میں خصوصی مہارت کے حوالے سے معروف ہے۔ڈاکٹر فولیانگ اور ان کی ٹیم نے انٹرونشل آن کالوجی اور کو آلبیشن طریقہ علاج اور مشینری کے بارے میں بریفننگ دی۔ڈاکٹر فولیانگ نے ٹیومر کی فریز اور ہیٹ کے ذریعے علاج کی حکمت عملی پر روشنی ڈالی۔”ہائی گیا“ ایڈوانس میڈیکل سسٹم کے ذریعے اب تک کینسر کے دس ہزار مریض صحت یاب ہو چکے ہیں۔چین کے 25 صوبوں میں 100 سے زائد ہسپتالوں میں ”ہائی گیا“ طریقہ علاج رائج ہوچکا ہے۔وزیراعلی پنجاب مریم نواز شریف نے کینسر کے جدید علاج اور مریضوں کے مکمل صحت مند ہونے کی شرح کو سراہا۔”ہائی گیا“ طریقہ علاج اور مشینری سے کینسر کے مریضوں کو کیموتھراپی اور سرجری کی تکلیف سے بچایا جا سکتا ہے۔