مرکزی مسلم لیگ پاکستان کے زیر انتظام احمد پور شرقیہ میں آل پارٹیز مشاورتی اجلاس
پاک فوج کے ساتھ اظہار یکجہتی کے لیے 4 مئی بروز اتوارکو آل پارٹیز دفاع پاکستان ریلی کے انعقاد کے لیے لاہحہ عمل ترتیب دیا گیا
احمدپورشرقیہ+ ڈیرہ نواب صاحب (نامہ نگاران) مرکزی مسلم لیگ پاکستان کے زیر انتظام احمد پور شرقیہ میں آل پارٹیز مشاورتی اجلاس منعقد ہوا اجلاس میں مولانا محمد احمد جالندھری حاجی محمد ارشد راجپوت ریٹائرڈ کیپٹن سید مہتاب شاہ مولانا محمد اشفاق سلفی مولانا قاری عبدالمجید نون مولانا محمد زاہد قاری عبدالمنان قریشی۔ضلعی ناظم تحریک منہاج القرآن بہاولپور حکیم عبدالمالک کھوکھر۔ شیخ عزیز الرحمن سید منور بخاری عبدالباسط شکرانی محمد ارشاد فوجی حکیم محمد حسنین چوہان مختیار احمد ملک سید غلام مجتبی بخاری محمد زبیر قریشی ۔ سماجی کارکن جان محمد چوھان اور کوارڈینیٹر محمد زکریا نے شرکت کی
اجلاس میں انڈیا کی طرف سے حالیہ دہشت گردی اور پاکستان پر وار کرنے کے خلاف پاک فوج کے ساتھ اظہار یکجہتی کے لیے ال پارٹیز دفاع پاکستان ریلی کے انعقاد کے لیے لاہحہ عمل ترتیب دیا گیا مشاورتی اجلاس میں مشترکہ طور پر طے پایا گیا کہ 4 مئی بروز اتوار صبح 9 بجے اندرون جامع مسجد شہداء ختم نبوت چوک سے ایک ریلی نکالی جائے گی ریلی تحصیل بازار سے ہوتی ہوئی مرکزی چوک منیر شہید پر پہنچے گی جہاں آل پارٹیز دفاع پاکستان ریلی کے اجتماع سے اکابرین خطاب کرینگے جبکہ ریلی میں مختلف مزہبی جماعتوں کے علاوہ مرکزی انجمن تاجران وکلاء نمائندگان سول سوسائٹی میڈیا نمائندگان اور سیاسی پارٹیوں کے اکابرین کے علاوہ مختلف سکولز کے طلبہ بھی کثیر تعداد میں شرکت کریں گے