مخدوم سید احمد محمود کی لاہور سے صادق گڑھ پیلس آمد ہر ہائنس بیگم امیر بہاولپور کے انتقال پر نواب صلاح الدین عباسی اور پرنس بہاول خان عباسی سے تعزیت
سابق گورنر پنجاب امیر آف بہاولپور اور ولی عہد بہاولپور سے تعزیت کرنے کے بعد اپنے نجی جہاز کے ذریعے عازم لاہور ہو گئے, عبد القادر شاہین اور مخدوم عثمان محمود اُنکے ہمراہ تھے
ڈیرہ نواب صاحب (سٹاف رپورٹر) پیپلز پارٹی جنوبی پنجاب کے صدر اور سابق گورنر پنجاب مخدوم سید احمد محمود آج اپنے نجی ہوائی جہاز کے ذریعے لاہور سے بہاولپور آئے جہاں سے وہ سیدھے صادق گڑھ پیلس پہنچے جہاں انہوں نے امیر بہاولپور نواب صلاح الدین عباسی اور ولی عہد پرنس بہاول خان عباس عباسی سے ہر ہائنس بیگم صاحبہ امیر بہاولپور نواب الحاج نواب محمد عباس خان عباسی مرحوم کے انتقال پر تعزیت کی- مخدوم سید احمد محمود نے اس موقع پر دعا کی کہ اللہ تعالی مرحومہ مغفورہ کے درجات بلند کریں ، نواب صاحب اور سوگوار خاندان کو یہ صدمہ برداشت کرنے کی ہمت عطا کریں – امین –
خیال رہے کہ مخدوم سید احمد محمود کے ہمراہ پیپلز پارٹی جنوبی پنجاب کے چیف کوآرڈینیٹر عبدالقادر شاہین اور ان کے بھتیجے مخدوم سید عثمان محمود ایم پی اے بھی تھے جو اُنکے ساتھ عازم لاہور ہو گئے-قبل ازیں جب مخدوم سید احمد محمود امیر آف بہاولپور نواب صلاح الدین عباسی کی صادق گڑھ پیلس کے دفتر میں آمد سے قبل پرنس بہاول خان عباسی سے اُنکی دادی اماں کے انتقال پر تعزیت کر چکے تھے تو اچانک چوہدری طارق بشیر چیمہ ایم این اے اپنے ساتھیوں کے ہمراہ داخل ہوئے جو گذشتہ شب عمرہ کی سعادت حاصل کرنے کے بعد واپس بہاولپور پہنچے تھے چنانچہ دونوں رہنماؤں نے نواب صلاح الدین عباسی کی آمد پر اکھٹے اُنکی والدہ ماجدہ کے رحلت کر جانے پر تعزیت کرتے ہوئے ہر ہائنس شمسہ عباسی کے درجات کی بلندی کیلئے دعا کی