شہزادہ محمد داؤد خان عباسی مرحوم کے ایصال ثواب کے لیے ترکیہ اور ڈیراور کے شاہی قبرستان میں قران خوانی

صاحبزادہ محمد عمر عباسی نے اپنے والد شہزادہ محمد داؤد خان عباسی مرحوم کے ایصال ثواب کے لیے ترکیہ کی مسجد میں قران خوانی کا اہتمام کیا صاحبزادہ محمد عثمان عباسی اور خاندان کے دیگر افراد شریک ہوئے

صاحبزادہ محمد عثمان عباسی  اور صاحبزادہ  محمد عمر عباسی کے ملازمین اور ڈیراور کے باشندگان نے شاہی قبرستان میں شہزادہ محمد داؤد خان عباسی کی قبر پر پھولوں کی چادریں چڑھائیں اور  قرآن خوانی کی

تر کیہ + ڈیراور ( پر یس ریلیز )نواب بہاولپور مرحوم سر صادق محمد خان عباسی کے صاحبزادے شہزادہ محمد داؤد خان عباسی مرحوم و مغفور کی 25ویں برسی خاندانی رسم و رواج کے مطابق ترکیہ اور ڈیراور میں منائی گئی- تفصیلات کے مطابق شہزادہ محمد داؤد خان عباسی کے چھوٹے صاحبزادے میاں محمد عمر خان عباسی نے  ترکیہ کی مسجد میں اپنے مرحوم والد شہزادہ محمد داؤد خان عباسی کے ایصال ثواب کے لیے قران خوانی کا اہتمام کیا جس میں صاحبزادہ محمد عثمان خان عباسی سمیت خاندان کے دیگر افراد شریک ہوئے جبکہ ڈیراور کے شاہی قبرستان میں شہزادہ محمد داؤد عباسی مرحوم کی قبر پر صاحبزادہ محمد عثمان عباسی اور صاحبزادہ محمد عمر عباسی کے ملازمین اور ڈیراور کے باشندگان  نے پھول چڑھائے فاتحہ خوانی اور قران خوانی کی- خیال رہے کہ شہزادہ محمد داؤد خان عباسی پانچ جون 1999ء کو کراچی میں مختصر علالت کے بعد انتقال کر گئے تھے