لاہور ہائی کورٹ کا الیکشن کمیشن کو پنجاب میں 90 دن میں انتخابات کی تاریخ دینے کا حکم

لاہور ہائیکورٹ نے الیکشن کمیشن کو 90 روز کی آئینی مدت میں پنجاب میں انتخابات کی تاریخ دینے کا حکم جاری کردیا۔

جسٹس جواد حسن نے پنجاب میں الیکشن کی تاریخ نہ دینے کے خلاف پی ٹی آئی کے جنرل سیکریٹری اسد عمر سمیت دیگر کی درخواست پر محفوظ مختصر فیصلہ جاری کردیا۔ درخواست گزاروں نے پنجاب میں الیکشن کی تاریخ نہ دینے کا اقدام لاہور ہائیکورٹ میں چیلنج کیا تھا، جسٹس جواد حسن نے وکلا کے دلائل مکمل ہونے کے بعد فیصلہ محفوظ کیا تھا۔

جسٹس جواد حسن نے فیصلے میں لکھا کہ الیکشن کمیشن نوے روز کی آئینی مدت میں پنجاب میں الیکشن کرائے اور اس روشنی میں الیکشن کی تاریخ دے۔