مبارک پور ہوٹل پر کام کرنے والا مزدور رشید احمد المعروف بھولا کرنٹ لگنے سے جاں بحق

ہوٹل مالک نے ہسپتال پہنچانے کی بجائے مٹی میں دبا دیا جس سے مبینہ طور پر اسکی حالت مزید بگڑ گئی اور وہ بے ہوش ہو گیا

عینی شاہدین کے مطابق لوگوں کے اسرار پر ہوٹل مالک نے اسے مریم نواز ہسپتال مبارک پور منتقل کر دیا جہاں پر موجود میڈیکل افیسر نے اسکی موت کی تصدیق کر دی 

مبارک پور (نامہ نگار)مبارک پور لاثانی ہوٹل پر کام کرنے والا مزدور رشید احمد المعروف بھولا کرنٹ لگنے سےجاں بحق- ہوٹل مالک نے ہسپتال پہنچانے کی بجائے مٹی میں دبا دیا تفصیل کے مطابق رمزی چوک پر واقع لاثانی ہوٹل ہر کام کرنے والے مزدور رشید احمد عرف بھولا ولد نزیر احمد سکنہ موضع گدڑ ہٹی کو کام کرتے وقت کرنٹ لگ گیا جس سے اسکی حالت غیر ہو گئی ہوٹل مالک اور انتظامیہ نے بھولا کو ہسپتال منتقل کرنے کی بجائے شدید گرمی اور حبس میں مٹی میں دبا دیا جس سے مبینہ طور پر اسکی حالت مزید بگڑ گئی اور وہ بے ہوش ہو گیا تاہم عینی شاہدین کے مطابق لوگوں کے اسرار پر ہوٹل مالک نے اسے مریم نواز ہسپتال مبارک پور منتقل کر دیا جہاں پر موجود میڈیکل افیسر نے اسکی موت کی تصدیق کر دی ہے

ورثاء احتجاج کرتے ہوئے اسکی نعش موضع گدڑی ہٹی لے گئے ہیں –  ہوٹل مالک سے موقف کے لیئے رابطہ کیا تو اس نے موقف دینے سے انکار کر دیا۔ متوفی کے ورثاء اور اہل علاقہ نے ہوٹل مالکان کے غیر انسانی رویے اور غفلت کے خلاف  احتجاج کیا اور واقعے کی اعلیٰ سطح پر تحقیقات اور ذمہ داروں کے خلاف قانونی کارروائی کا مطالبہ کیا۔