فیاض نامی محنت کش نے اپنی چند ماہ کی معصوم بچی کو طیش میں آکر زمین پر پٹخ دیا موقع پر جاں بحق 

میاں بیوی کے مابین جھگڑے کا شاخسانہ،تھانہ سٹی پولیس کے ایس ایچ او غلام عباس نیازی موقع پر پہنچ گئے اور بدقسمت بچی کو پوسٹ مارٹم کے لیے سول ہسپتال منتقل کردیا

احمد پور شرقیہ( سٹاف رپورٹر) ریلوے پھاٹک کر قریب آبادی میں  فیاض نامی مزدور نے مبینہ طور پر اپنی چند ماہ کی بچی کو  زمین پر دے مارا جس سے وہ موقع پر جاں بحق ہو گئی- معلوم ہوا ہے کہ میاں بیوی کے درمیان  آپس میں جھگڑا ہوا تھا جس کے نتیجہ میں محمد فیاض نے طیش میں آ کر اپنی چند ماہ کی  بچی کو زمین پر پٹخ دیا اور موقع سے فرار ہو گیا-اطلاع ملنے پر تھانہ سٹی کے ایس ایچ او غلام عباس نیازی موقع پر پہنچ گئے اور بد قسمت  بچی کی نعش کو پوسٹ مارٹم کے لیے سول ہسپتال منتقل کیا- ایس ایچ او غلام عباس نیازی نے روزنامہ نوائے احمد پور شرقیہ کو بتایا کہ پولیس اس افسوسناک واقعہ کی تفتیش کر رہی ہے اور مقدمہ کے اندراج کے حوالے سے پوسٹ مارٹم  رپورٹ کا انتظار ہے