چھہتر زبانوں پر مشتمل قرآن مجید کے 20 لاکھ نسخوں کی تقسیم شروع
ریاض /اسلام آباد(پی پی آئی) سعودی فرمانروا شاہ سلمان بن عبدالعزیز کے فرمان کے تحت غیر ملکی عازمین کو واپسی پر قرآن مجیدکا تحفہ دیا جارہاہے مجموعی طور پر قرآن پاک کے 20 لاکھ نسخے تقسیم کئے جائیں گے۔پی پی آئی کے مطابق سعودی عرب کے تمام ائیرپورٹس سمیت زمینی گزر گاہوں اور بندرگاہوں سے روانہ ہونے والے عازمین کو 76 مختلف زبانوں پر مشتمل قرآن مجید کے 20 لاکھ قرآن مجید کے نسخے تقسیم کیے جائیں گے. ۔ وفاقی وزیر برائے مذہبی امور سینیٹر طلحہ محمود نے کہا ہے کہ قرآن پاک کا تحفہ انمول ہے اس کے لئے سعودی قیادت بالخصوص سعودی فرمانروا شاہ سلمان بن عبدالعزیز شکریہ کے مستحق ہیں
