جام حاجی محمد عاشق کھور ہمارے بزرگ اور برادری کے سربراہ ہیں ان کے فیصلے کی پابندی کرتے ہوئے پرنس بہاول عباسی کی قومی نشست پر بھرپور حمایت کریں گے سرگرم رہنما جام محمد حنیف کھور کی نوائے احمد پور شرقیہ سے بات چیت
احمدپورشرقیہ (سٹاف رپورٹر) احمد پور شرقیہ کی کھور برادری نے پرنس بہاول عباسی کی حمایت کا اعلان کر دیا تفصیل کے مطابق پرنس بہاول عباسی کھور برادری کے سربراہ سردار جام حاجی محمد عاشق کھور کی اقامت گاہ پر گئے جہاں کھور برادری کے نمائندہ فراد بھی موجود تھے- اس اجتماع میں جام حا جی محمد عاشق کھور نے قومی اسمبلی این اے 166 کی نشست پر پرنس بہاول عباسی کی بھرپور حمایت کا اعلان کیا
روزنامہ نوائے احمد پور شرقیہ سے گفتگو کرتے ہوئے کھور برادری کے سرگرم نوجوان رہنما جام محمد حنیف کھور نے بتایا کہ حاجی محمد عاشق کھور ہماری برادری کے بزرگ اور سردار ہیں -ان کے فیصلے کی ہم پابندی کریں گے – اور قومی اسمبلی کے انتخابی معرکہ میں پرنس بہاول عباسی کو کامیاب کرائیں گے سردار یحییٰ خان کلاچی ،سردار شہزاد سہیل خاکوانی,سردار فیض محمد خاکوانی میاں عبدالمجید جمشید اور دیگر بھی اس موقع پر موجود تھے
