چیف جسٹس لاہور ہائی کورٹ جسٹس محمد امیر بھٹی کا لاہور ہائی کورٹ بہاولپور بینچ کا وزٹ عدالت عالیہ کے زیر تعمیر منصوبے کا جائزہ لیا اور بار ایسوسی ایشنز کے صدور اور سیکرٹریز سے ملاقات کی
بہاول پور 8/ اگست چیف جسٹس لاہور ہائی کورٹ لاہور مسٹر جسٹس محمد امیر بھٹی نے لاہور ہائی کورٹ بہاول پور بنچ کا دورہ کیا۔ان کی آمد پر پولیس کے چاق و چوبند دستہ نے انہیں گارڈ آف آنر پیش کیا۔ اس موقع پر سینئر جج لاہور ہائی کورٹ بہاول پور بنچ احمد ندیم ارشد، سینئر ایڈیشنل رجسٹرار محمد شاہد حسین، ڈسٹرکٹ اینڈ سیشن جج بہاول پور راجہ غضنفر علی خان، ڈپٹی رجسٹرار جنرل حماد احمد اور سینئر وکلاء موجود تھے۔ چیف جسٹس لاہور ہائی کورٹ مسٹر جسٹس محمد امیر بھٹی نے لاہور ہائی کورٹ بہاول پور بنچ کے زیر تعمیر منصوبہ کا معائنہ کیا۔ اس موقع پر متعلقہ افسران نے منصوبہ کی تکمیل بارے بریفنگ دی۔بعدازاں چیف جسٹس لاہور ہائی کورٹ لاہور مسٹر جسٹس محمد امیر بھٹی نے ڈسٹرکٹ بار ایسوسی ایشن بہاول پورو دیگر تحصیلوں کی بار ایسوسی ایشنز کے صدور و جنرل سیکرٹریز سے ملاقات کی اور ان کے مسائل سنے۔ انہوں نے متعلقہ محکمہ جات کو مسائل کے حل کے احکامات جاری کیے۔
