حکومتِ پنجاب کے بلدیاتی ایکٹ کے خلاف حاصل پور میں جماعت اسلامی کے زیرِ اہتمام احتجاجی مظاہرہ
احتجاج پریس کلب حاصل پور کے سامنے منعقد ہوا جس میں جماعت اسلامی کے کارکنان اور یوتھ ونگ کے رہنماؤں نے بھرپور شرکت کی
حاصل پور : حکومتِ پنجاب کی جانب سے بلدیاتی ایکٹ کے خلاف امیر جماعت اسلامی پاکستان کی کال پر حاصل پور میں جماعت اسلامی کے زیرِ اہتمام احتجاجی مظاہرہ کیا گیا۔ احتجاج پریس کلب حاصل پور کے سامنے منعقد ہوا جس میں جماعت اسلامی کے کارکنان اور یوتھ ونگ کے رہنماؤں نے بھرپور شرکت کی۔ احتجاجی مظاہرے کی قیادت جماعت اسلامی یوتھ ونگ کے رہنما شیخ محمد سلیم ناصر۔صابر مغل نے کی۔ اس موقع پر نائب امیر جماعت اسلامی حاصل پور طاہر لطیف عبدالرحمن رنگا عبدالحفیظ بھٹی نے خطاب کیا
مظاہرین نے حکومت پنجاب کے بلدیاتی ایکٹ کے خلاف شدید نعرے بازی کی اور اس قانون کو عوام دشمن قرار دیا۔مقررین نے خطاب کرتے ہوئے کہا کہ پنجاب بلدیاتی ایکٹ عوامی اختیارات سلب کرنے کی سازش ہے جسے کسی صورت قبول نہیں کیا جائے گا۔ ان کا کہنا تھا کہ یہ ایکٹ مقامی حکومتوں کو بے اختیار بنانے اور عوامی نمائندگی کو کمزور کرنے کے مترادف ہے۔ جماعت اسلامی کے رہنماؤں نے حکومت سے مطالبہ کیا کہ بلدیاتی ایکٹ کو فوری طور پر واپس لیا جائے، بصورت دیگر احتجاجی تحریک کو مزید وسیع کیا جائے گا