اسلامیہ یونیورسٹی اور انسٹی ٹیوٹو سپیریئر یونیورسیٹاریو کوٹوپیکسی، ایکواڈورکے مابین مفاہمتی یادداشت پر دستخط کی تقریب
وائس چانسلر پروفیسر ڈاکٹر محمد کامران,ریکٹرکارلوس یوجینیو اور وائس چانسلر روڈریگو ریینوسوانسٹی ٹیوٹو سپیریئر یونیورسیٹاریو کوٹوپیکسی نے اپنے اداروں کی جانب سے دستخط کیے
بہاول پو ر(پ ر)اسلامیہ یونیورسٹی بہاول پور اور انسٹی ٹیوٹو سپیریئر یونیورسیٹاریو کوٹوپیکسی، ایکواڈورکے مابین مفاہمتی یادداشت پر دستخط کی تقریب وائس چانسلر سیکریٹریٹ بغدا د الجدید کیمپس میں منعقد ہوئی۔مفاہمتی یادداشت پر دستخط کی تقریب آن لائن منعقد ہوئی اور وائس چانسلر پروفیسر ڈاکٹر محمد کامران اور کارلوس یوجینیو ریکٹرآف دی انسٹی ٹیوٹو سپیریئر یونیورسیٹاریو کوٹوپیکسی، روڈریگو ریینوسو وائس چانسلر انسٹی ٹیوٹو سپیریئر یونیورسیٹاریو کوٹوپیکسی نے اپنے اداروں کی جانب سے دستخط کیے۔
معاہدے کا مقصد علمی اور تحقیقی تعاون کو فروغ دینا، باہمی افہام و تفہیم کو فروغ دینا اور دونوں ممالک کے درمیان خیالات کا تبادلہ کرنا ہے۔ معاہدے کے مطابق دونوں ادارے مشترکہ تحقیقی منصوبوں، طلباء اور فیکلٹی کے تبادلے کے پروگراموں، تکنیکی عملے، کمیونٹی کی مصروفیات، اور باہمی تعاون پر مبنی تعلیمی سرگرمیوں کو فروغ دیں گے۔ یہ شراکت داری نہ صرف طلباء اور فیکلٹی کے تعلیمی تجربات کو تقویت دے گی بلکہ عالمی برادری کی ترقی میں بھی اپنا حصہ ڈالے گی۔ اس طرح کی شراکت داری تعلیم اور تحقیق کے مستقبل کی تشکیل میں اہم کردار ادا کرے گی۔ پروفیسر ڈاکٹر عبدالرؤف ڈین فیکلٹی آف کیمیکل اینڈ بائیولوجیکل سائنسز،ڈاکٹر غلام سرور فوکل پرسن شعبہ نباتیات،پروفیسر ڈاکٹر آصف نوید رانجھا ڈائریکٹر ایڈوانس سٹڈیز اینڈ ریسرچ، پروفیسر ڈاکٹر اسد اللہ مدنی ڈائریکٹر کوالٹی انہانسمنٹ، پروفیسر ڈاکٹر نرگس ناز چیئرپرسن شعبہ نباتیات، ڈاکٹر مسرت، ڈاکٹر توصیف انور، غلام قاسم، محمد ظفر اقبال،اورانجینئر خالد محمودموجود تھے۔