انجینئر پروفیسرڈاکٹر اطہر محبوب وائس چانسلر اسلامیہ یونیورسٹی بہاولپورنے اپنے ایک ویڈیو پیغام میں کہا ہے کہ یونیورسٹی میں خزاں 2022کے داخلے جاری ہیں۔اسلامیہ یونیورسٹی آف بہاولپور 130 پروگراموں میں داخلے فراہم کر رہی ہے جس میں الائیڈ ہیلتھ سائنسز، فارمیسی، نرسنگ، سائنس، کمپیوٹر سائنس، انجینئرنگ، لاء، سو شل سائنسز، اکنامکس، میڈیا سا ئنسزشامل ہیں۔اسلامیہ یونیورسٹی آف بہاولپور کیریئر بلڈنگ پروگرام کے تحت تمام طلباء و طالبات کو ملازمت اور انٹر پرینیورشپ کے لیے تیار کر رہا ہے۔ا سلامیہ یونیورسٹی آف بہاولپور بورڈ پوزیشن ہولڈرز طلباء وطالبات کو مفت ایڈمیشن اور سکالرشپ پروگرام فراہم کر رہی ہے۔ پاکستان میں احساس اسکالر شپ پروگرامز میں سب سے زیادہ سکالر شپ حاصل کرنے والے طلباء وطالبات کا تعلق اسلامیہ یونیورسٹی بہاول پور سے ہے۔ اس کے علاوہ اور بھی بہت سے سکالرشپ ہیں۔ تمام طلباء و طالبات بی ایس کے جدید ترین پروگراموں کا جائزہ لیں۔اسلامیہ یونیورسٹی بہاولپور طلباء وطالبات کو بہترین سفری سہولت فراہم کر رہی ہے اور اس سلسلے میں قریبی قصبات کے طلباء وطالبات کو بھی سفری سہولت فراہم کی جا رہی ہے۔ طلباء و طالبات کے لیے معیاری ہاسٹلز کی سہولت بھی موجود ہے۔ ایک بہترین میڈیکل سینٹر بھی ہے۔گزشتہ سالوں میں میں بہت بڑی تعداد میں طلباء نے اسلامیہ یونیورسٹی بہاولپور میں داخلے کو ترجیح دی۔پچھلے سال تقریبا ایک لاکھ پانچ ہزار درخواستیں موصول ہو ئی ہیں جس کے بعد چودہ ہزار طلبا کو داخلہ دیاگیا تھا۔ اسلا میہ یونیورسٹی آف بہاولپور پاکستان میں ایک بڑی جامعہ بن چکی ہے۔ ہمارے پاس 600 سے زائد پی ایچ ڈی کوالیفائیڈ اساتذہ ہیں،1200سے زائد فل ٹائم اور1600 سے زائد اساتذہ پارٹ ٹائم میں موجود ہیں۔ہمارے اساتذ ہ انٹرنیشنل کوالیفائیڈ ہیں اور وہ طلبا و طالبات کو دیگر ہم نصابی سرگرمیوں اور کیریئر کونسلنگ میں رہنمائی کرتے ہیں۔اسلامیہ یونیورسٹی آف بہاولپور میں بڑے پیمانے پر ترقیاتی منصوبے جاری ہیں تاکہ انفرانسٹرکچر میں اضافہ ہو۔حال ہی میں گورنر پنجاب محمد بلیغ الرحمن نے کمپیوٹر سائنس اکیڈمک بلاک کا افتتاح کیا تھا۔ دیگرتین بڑے بلاک کی تعمیر جاری ہے۔بسوں کی تعداد میں 25نئی بسوں کا اضافہ کیا گیا ہے جو آئندہ آنے والا سمسٹر ہے اس کے لئے ہر طرح کے انتظامات مکمل کر لیے گئے ہیں۔
اسلامیہ یونیورسٹی130 پروگراموں میں داخلے فراہم کر رہی ہے وائس چانسلر انجینئر پروفیسرڈاکٹر اطہر محبوب
