Contact Us

رحیم یارخان اور راجن پور کے سیلاب زدہ علاقوں میں اسلامیہ یونیورسٹی بہاول پور کی جانب سے امدادی سرگرمیوں کا آغاز

Islamia University Bahawalpur started relief activities in flood affected areas

وائس چانسلراسلامیہ یونیورسٹی بہاول پورانجینئرپروفیسرڈاکٹراطہرمحبوب کی ہدایت پر رحیم یارخان اور راجن پور کے سیلاب زدہ علاقوں میں اسلامیہ یونیورسٹی بہاول پور کی جانب سے امدادی سرگرمیوں کا آغاز کر دیا گیا ہے۔اسلامیہ یونیورسٹی بہاول پور کی جانب سے امدادی سرگرمیوں کے فوکل پرسن پروفیسرڈاکٹر آصف نوید رانجھااور ڈائریکٹررحیم یار خان کیمپس ڈاکٹرمحمد عمیراشرف کے مطابق آج خصوصی بس روجھان کے علاقے میں امدادی سامان لے کر روانہ ہوئی جس میں 220خاندانوں کے لئے کھانے کا سامان،دالیں،بسکٹ،صابن اور دیگرضروری اشیاء شامل ہیں اوراس بس کی قیادت فیکلٹی ممبر عون بخاری کررہے تھے۔بس میں سیلاب زدگان کے لئے موجودراشن اور فوری استعمال کی چیزیں اور7دیگیں پکے ہوئے کھانے کی بھی شامل ہیں جو کہ روجھان کے علاقے میں سیلاب زدگان متاثرین تک پہنچایا جائے گا۔یہ بات قابل ذکر ہے کہ گورنر پنجاب و چانسلر انجینئر محمد بلیغ الرحمن کی خصوصی ہدایت پروائس چانسلر اسلامیہ یونیورسٹی بہاولپور نے جامعہ میں فلڈ ریلیف سرگرمیوں کا آغاز کیا ہے۔اس سلسلے میں فنڈریزنگ مہم بھی جاری ہے اور امدادی اشیاء جس میں کھانے پینے کا سامان،ادویات اور دیگر ضرورت کی اشیاء جمع کی جارہی ہیں جس سے رحیم یارخان کیمپس سے راجن پور کی متاثرہ تحصیلوں اور رحیم یار خان کے دریائی علاقے کے متاثرہ دیہاتوں میں تقسیم کا آغاز کردیا گیا ہے۔

مزید پڑھیں