آبنائے ہرمز کے انتظام سے متعلق ایران سے مذاکرات مثبت رہے، عمانی وزارت خارجہ

عمانی وزارت خارجہ نے اپنے بیان میں ایران کا نام لیے بغیر آبنائے ہرمز سے گزرنے والے بحری جہازوں پر حملوں کی مذمت کی

مسقط: عمانی وزارت خارجہ نے کہا ہے کہ آبنائے ہرمز کے انتظام سے متعلق ایران سے مذاکرات مثبت اور تعمیری رہے ہیں۔ عمانی وزارت خارجہ نے اپنے بیان میں ایران کا نام لیے بغیر آبنائے ہرمز سے گزرنے والے بحری جہازوں پر حملوں کی مذمت کی، اور آبنائے ہرمز میں کشیدگی سے گریز اور مذاکرات آگے بڑھانے پر زور دیا۔ جاری بیان میں کہا گیا کہ آبنائے ہرمز میں جہاز رانی کے طریقہ کار پر مذاکرات جاری ہیں، تمام فریق مذاکراتی پیشرفت کو خطرے میں ڈالنے والے اقدامات سے گریز کریں۔