جنگی فضا کے  برعکس امریکا کیساتھ بات چیت کے فریم ورک پر کام ہو رہا ہے، ایران

تہران: ایرانی سپریم لیڈر کے مشیر علی لاریجانی نے کہا ہے کہ جنگی فضا کے برخلاف امریکا کے ساتھ بات چیت کے فریم ورک پر کام ہو رہا ہے سوشل میڈیا پر جاری بیان میں ایرانی سپریم لیڈر کے مشیر علی لاریجانی نے کہا کہ جنگی بیانیے کے شور کے باوجود مذاکراتی عمل کیلئے عملی انتظامات آگے بڑھ رہے اور مذاکرات کیلئے ساختی انتظامات میں پیشرفت جاری ہے۔ خیال رہے کہ امریکا نے مشرق وسطیٰ میں بحری بیڑہ تعینات کر دیا ہے، اور اس حوالے سے امریکی صدر ایرانی قیادت کو مسلسل خبردار کر رہے ہیں کہ یہ جنگی جہاز تیزی سے ایران کی جانب بڑھ رہے ہیں۔ دوسری جانب ایران بھی امریکا کو کسی بھی جارحیت کی صورت میں سخت نتائج بھگتنے کی وارننگ جاری کرچکا ہے، جبکہ ایرانی پاسداران انقلاب نے بھی اتوار سے آبنائے ہرمز میں فوجی مشقوں کا اعلان کر رکھا ہے۔