اگر قاضی عدنان فرید ڈیرہ نواب صاحب اور محراب والا کا اپنا انتخاب شدہ کوئی ایک پولنگ اسٹیشن بھی جیت لیں تو میں سیاست چھوڑ دوں گا
اگر میں قاضی عدنان فرید کو ان کے آبائی وارڈ میں شکست نہ دے سکا تو سیاست کو خیر آباد کہہ دوں گا میاں گزین عباسی کا کارنر میٹنگ میں اعلان
احمد پور شرقیہ( سٹاف رپورٹر ) آزاد امیدوار صوبائی اسمبلی صاحبزادہ محمد گزین خان عباسی نے اپنے حریف مسلم لیگ ن کے امیدوار صوبائی اسمبلی قاضی عدنان فرید کو چیلنج کیا ہے کہ وہ محراب والا اور ڈیرہ نواب صاحب کے کسی ایک پولنگ سٹیشن کا انتخاب کر لیں اگر وہ جیت گئے تو میں سیاست چھوڑ دوں گا اس امر کا اظہار انہوں نے شہر احمد پور شرقیہ میں کارنر میٹنگ سے خطاب کرتے ہوئے کیا جس میں مہر مشتاق احمد خان ایڈوکیٹ اور دیگر موجود تھے صاحبزادہ محمد گزین عباسی نے کہا کہ وہ چیلنج کرتے ہیں کہ اگر قاضی عدنان فرید کو وہ ان کے آبائی وارڈ میں شکست نہ دے سکے تو سیاست کو خیر آباد کہہ دیں گے- شہر کے سنجیدہ سیاسی حلقوں میں میاں گزین عباسی کے اس چیلنج پر مختلف قسم کے تبصرے کیے جا رہے ہیں مگر ابھی تک قاضی عدنان فرید کا ردعمل سامنے نہیں آیا خیال رہے کہ صاحبزادہ محمد گزین عباسی نے محسن احمد پور شرقیہ کے لقب کے حوالے سے بھی اپنی جوشیلی تقریر میں قاضی عدنان فرید کو ہدف تنقید بنایا-
