چوہدری پرویز الٰہی کی جانب سے اتحادیوں کو چھوڑنے کے حوالے سے وفاقی وزیر فوڈ سیکورٹی کی گفتگو
احمد پور شرقیہ ، اوچ شریف (نامہ نگاران) وفاقی وزیر فوڈ سیکورٹی چوہدری طارق بشیر چیمہ نے کہا ہے کہ وہ مسلم لیگ ق کے صدر چوہدری شجاعت حسین کے حکم کے پابند ہیں اس امر کا اظہار انہوں نے گزشتہ شب سابق چیئرمین یونین کونسل ڈاکٹر فیاض محمود اعوان کے بھانجے ڈاکٹر ملک زین العابدین کی دعوت ولیمہ کے موقع پر چوہدری پرویز الٰہی کی جانب سے دیے گئے بیان پر پوچھے گئے سوال کے جواب میں کیا جس میں چوہدری پرویز الٰہی نے کہا تھا کہ چوہدری سالک حسین اور چوہدری طارق بشیر چیمہ اتحادی حکومت کو چھوڑ کر دوبارہ ہماری صفوں میں شامل ہو جائیں گے وفاقی وزیر چوہدری طارق بشیر چیمہ نے کہا کہ چوہدری پرویز الٰہی ان کے محسن ہیں جن سے آج بھی ان کی بات ہوئی ہے چوہدری پرویز الٰہی کو چاہیے کہ وہ اپنے بڑے بھائی چوہدری شجاعت حسین کو اس حوالے سے اعتماد میں لیں کیونکہ ان کے صاحبزادے چوہدری سالک حسین بھی وفاقی وزیر ہیں اور اتحادی حکومت میں شامل ہیں
