چنی گوٹھ (نامہ نگار)امیدوار صوبائی اسمبلی حلقہ پی پی 248 حسن عسکری شیخ نے متوقع نئے حلقہ میں اپنی انتخابی مہم کا آغاز کر دیا ، حسن عسکری شیخ نے سابق چیئرمین یونین کونسل چنی گوٹھ مہر محمد صدیق کے ہمراہ موضع سراج پور کے زمیندار حاجی لیاقت علی سندھو ، معروف معالج ڈاکٹر وسیم عباس سندھو ، چوہدری پرویز رندھاوا ایڈوکیٹ ، چوہدری عمران علی سندھو ایڈوکیٹ ، چوہدری شوکت علی گورائیہ ایڈوکیٹ ، مہر مشتاق احمد ایڈووکیٹ ، میاں عبدالمنعم مہند ایڈوکیٹ سابق جنرل سیکرٹری بار احمد پور شرقیہ ، چوہدری جنید کھرل ، موضع عنائت پور کے زمیندار چوہدری رحمت علی پنوں سے ملاقات کی اور اور نئے انتخابی حلقہ کے حوالے سے مشاورت کی ، تمام شخصیات نے حسن عسکری شیخ کو الیکشن میں بھرپور حصہ لینے کا مشورہ دیا ، اس موقع پر حسن عسکری شیخ نے صحافیوں سے گفتگو کرتے ہوئے کہا کہ حلقہ پی پی 248 سے الیکشن میں بھرپور حصہ لیں گے ، انہوں نے کہا کہ اس کے علاوہ حلقہ پی پی 250 سے بھی شیخ گروپ مضبوط امیدوار میدان میں اتاریں گے ، انہوں نے کہا کہ ہم نے اپنی انتخابی مہم کا بھرپور آغاز کر دیا ہے اور یہ سلسلہ بھرپور جاری رہے گا ۔ اس موقع پر عبد الباسط لنگاہ ، چوہدری احتشام پنوں اور رانا ساجد غفار بھی موجود تھے ۔
امیدوار صوبائی اسمبلی حلقہ پی پی 248 حسن عسکری شیخ نے متوقع نئے حلقہ میں اپنی انتخابی مہم کا آغاز کر دیا
![MPA Hassan Askari Sheikh](https://dailynaps.com.pk/wp-content/uploads/2023/10/Hassan-Askari-Sheikh-649x1024.webp)