القائم ٹرسٹ میڈیکل سنٹر اوچ شریف کے زیرِ اہتمام حاملہ خواتین کے چیک اپ کے لیے ہر بدھ کو خصوصی کیمپ کا سلسلہ جاری
ماہر امراض زجہ بچہ ڈاکٹر خدیجہ سندس حاملہ خواتین کا جیک اپ کرتے ہوئے انہیں مفت ادویات اور مفید مشوروں سے نوازتی ہیں
اوچ شریف ( ارشاد احمد شاد کرائم رپورٹر) القائم ٹرسٹ میڈیکل سنٹر اوچ شریف کے زیرِ اہتمام حاملہ خواتین کے چیک اپ کے لیے ہر بدھ کو خصوصی کیمپ کا سلسلہ جاری، ماہر امراض زجہ بچہ ڈاکٹر خدیجہ سندس حاملہ خواتین کا جیک اپ کرتے ہوئے انہیں مفت ادویات اور مفید مشوروں سے نوازتی ہیں،
تفصیلات کے مطابق اوچ شریف میں عوام کے لیے بلاتفریق جدید طبی سہولیات کی مفت فراہمی ممکن بنانے والے ادارے القائم ٹرسٹ میڈیکل سنٹر میں حاملہ خواتین کے چیک اپ، ادوایات کی فراہمی اور مفید مشوروں کے لیے ہر بدھ کو خصوصی کیمپ کا انعقاد کیا جاتا ہے۔ ماہر امراض زچہ بچہ، کنسلٹنٹ گائناکالوجسٹ بہاول وکٹوریہ ہسپتال بہاول پور ڈاکٹر خدیجہ سندس خصوصی طور پر ہسپتال آ کر حاملہ خواتین کا چیک اپ، ادوایات کی مفت فراہمی اور ان کو مفید طبی مشوروں سے نوازتی ہیں۔ القائم ٹرسٹ ہیلتھ سینٹر کے بانی و سی ای او خواجہ نٹار حسین نے اس حوالے سے میڈیا کو بتایا کہ القائم ٹرسٹ ہسپتال کا کوالیفائیڈ اسٹاف ایڈمنسٹریٹر ڈاکٹر سید ظہور احمد ہاشمی کے زیر نگرانی روزانہ سیکڑوں غریب، بے سہارا اور ضرورت مند افراد کو مفت طبی سہولیات فراہم کرتا ہے۔