گورنمنٹ ایسوسی ایٹ کالج اوچ شریف کے سٹاف کی پروفیسر حافظ محمد خالدمحمود کی قیادت میں ڈائریکٹر کالجز ڈاکٹر شرافت علی سے ملاقات
بطورڈائریکٹر تعیناتی پر مبارک باد پیش کی،وفد پروفیسر عمران سعید،پروفیسر چوہدری طارق اقبال، پروفیسررانا فیصل اور پروفیسر شالیم ڈیوس پر مشتمل تھا
اوچ شریف (کرائم رپورٹر)گورنمنٹ سید شمس الدین گیلانی ایسوسی ایٹ کالج اوچ شریف کے سٹاف نے پروفیسر حافظ محمد خالدمحمود کی قیادت میں ڈائریکٹر کالجز بہاول پور ڈویژن ڈاکٹر شرافت علی سے ان کے دفتر میں ملاقات کی اور انہیں بطورڈائریکٹر تعیناتی پر مبارک باد پیش کی، ملاقات میں ایسوسی ایٹ کالج اوچ شریف میں بنیادی سہولیات کی فراہمی، اساتذہ و طلبہ کو درپیش مسائل کے حل سمیت کالج کی مجموعی صورتحال پر تبادلہ خیال کیا گیا،
ڈائریکٹر کالجزبہاول پور ڈویژن نے اوچ شریف کالج کے تمام مسائل کے حل کے لیے ہر ممکن کوشش کرنے کی یقین دہانی کرائی اس موقع پر وفد نے امید ظاہر کی کہ ڈاکٹر شرافت علی کی زیر سرپرستی ڈویژن بھر کے کالجز میں تعلیمی سرگرمیاں مزید ترقی پائیں گی اور میرٹ کا بول بالا ہو گا، گورنمنٹ سید شمس الدین گیلانی ایسوسی ایٹ کالج اوچ شریف کے سٹاف پرمشتمل وفد پروفیسر عمران سعید،پروفیسر چوہدری طارق اقبال، پروفیسررانا فیصل اور پروفیسر شالیم ڈیوس پر مشتمل تھا۔
۔