حکومت کا پٹرولیم مصنوعات کی قیمتوں میں کمی کا اعلان

اسلام آباد: حکومت نے پٹرولیم مصنوعات کی  قیمتوں میں کمی کا اعلان کردیا -وزارت خزانہ کے مطابق پیٹرول کی قیمت میں 50 پیسے فی لٹر کمی کردی گئی فی لٹر پیٹرول کی نئی قیمت255روپے 63 پیسے مقرر کی گئی ہے جبکہ ہائی سپیڈ ڈیزل فی لٹر5روپے31پیسے سستا ہونے سے 258روپے 64پیسے کا ہوگیا۔  اس کے علاوہ مٹی کے تیل کی قیمت میں 3 روپے 53 پیسے فی لٹر کمی ہونے سے 168روپے 12 پیسے اور لائٹ ڈیزل کی فی لٹر قیمت میں 2 روپے 47 پیسے کمی سے 153روپے 34 پیسے ہو گئی ،وزارت خزانہ کی جانب سے نئی قیمتوں کے متعلق اعلامیہ جاری کردیا گیا۔  خیال رہے کہ نئی قیمتوں کا اطلاق رات 12 بجے کے بعد آئندہ 15دن کیلئے ہوگیا۔