پی پی 248 پرانی ناقص سڑکوں کی مرمت کے لئے 48 کروڑ 50 لاکھ روپے کے فنڈز جاری حسن عسکری شیخ

پہلے فیز میں 47 واٹر فلٹریشن پلانٹس لگائے جا رہے ہیں۔ ان منصوبوں کی تکمیل سے شہریوں کو پینے کے صاف و صحت بخش پانی کی فراہمی یقینی ہو گی صوبائی پارلیمانی سیکرٹر

چنی گوٹھ (نامہ نگار) صوبائی پارلیمانی سیکرٹری پنجاب و ایم پی اے پی پی 248 حسن عسکری شیخ نے کہا ہے کہ اپنے انتخابی حلقے  کی عوام سے کیے گئے وعدے پورے ہو رہے ہیں۔ علاقے میں پرانی ناقص سڑکوں کی مرمت  کے لئے 48 کروڑ 50 لاکھ روپے کے فنڈز جاری ہو چکے ہیں جن پر رواں ماہ کام شروع ہو جائے گا ،جس سے مواصلاتی نظام بہتر ہوگا اور عوام کو سفر میں سہولت ملے گی۔انہوں نے کہا کہ صاف پانی بنیادی انسانی ضرورت ہے، اسی سلسلے میں صاف پانی اتھارٹی کے تحت پہلے فیز میں 47 واٹر فلٹریشن پلانٹس لگائے جا رہے ہیں۔ ان منصوبوں کی تکمیل سے شہریوں کو پینے کے صاف و صحت بخش پانی کی فراہمی یقینی ہو گی اور پانی سے پیدا ہونے والی بیماریوں میں نمایاں کمی آئے گی۔

ان خیالات کا اظہار انہوں نے سابق چیئرمین یونین کونسل و ناظم چنی گوٹھ مہر محمد صدیق، کے ہمراہ عمائدین علاقہ سے گفتگو  کرتے ہوئے کیا۔حسن عسکری شیخ نے کہا کہ سابق وفاقی وزیر و ایم این اے چوہدری طارق بشیر چیمہ کی معاونت سے حلقہ میں دو سو سے زائد نئی بستیوں میں بجلی کی فراہمی کا سلسلہ جاری ہے اور ایل ٹی پروپوزل بھی رواں ماہ شروع ہو جائے گا ، ایم پی اے نے کہا کہ ہم اپنے حلقے کو جدید سہولیات سے آراستہ کرنا چاہتے ہیں۔ عوام نے ہمیں جس اعتماد سے کامیاب کیا، ہم اس پر پورا اترنے کے لئے سرگرم ہیں۔ انہوں نے کہا کہ ترقیاتی فنڈز کے شفاف استعمال کو یقینی بنایا جا رہا ہے اور تمام منصوبوں پر معیار کے مطابق کام کی نگرانی کی جائے گی۔انہوں نے مزید کہا کہ حکومت کا فوکس پسماندہ علاقوں کی ترقی، عوامی مسائل کا حل اور سہولیات کی فراہمی ہے۔ عوام بہت جلد ان منصوبوں کے ثمرات براہ راست محسوس کریں گے۔