خیبر پختونخوا اور بلوچستان میں آج سے شدید بارشوں اور برفباری کے نئے سلسلے کی پیشگوئی

آج سے 27 جنوری تک دونوں صوبوں میں مغربی ہواؤں کے نئے سلسلے کی آمد متوقع ہے، چترال، دیر، سوات، شانگلہ اور کوہستان میں شدید بارش اور برف باری ہوسکتی ہے۔ ہری پور، پشاور، مردان، نوشہرہ اور کوہاٹ میں گرج چمک کے ساتھ بارش کا امکان ہے۔

 پشاور +کوئٹہ : خیبر پختونخوا اور بلوچستان میں آج  سے شدید بارشوں اور  برفباری کے نئے سلسلے کی پیش گوئی کی گئی ہے۔  آج سے 27 جنوری تک دونوں صوبوں میں مغربی ہواؤں کے نئے سلسلے کی آمد متوقع ہے، چترال، دیر، سوات، شانگلہ اور کوہستان میں شدید بارش اور برف باری ہوسکتی ہے۔ ہری پور، پشاور، مردان، نوشہرہ اور کوہاٹ میں گرج چمک کے ساتھ بارش کا امکان ہے۔  ناران، کاغان، کالام اور چترال میں برف باری سے سڑکیں بند ہونے کا خدشہ ہے۔  ناران، کاغان، کالام اور چترال میں سڑکیں بند اور پھسلن کا خدشہ ہے، حکام نے  بالائی اضلاع میں لینڈ سلائیڈنگ اور برفانی تودےگرنےکا بھی خطرہ ظاہر کیا ہے۔  ادھر بلوچستان میں بھی مزید برفباری کی پیشگوئی کی گئی ہے۔ کوئٹہ، زیارت، چمن، پشین، قلعہ سیف اللہ اور قلعہ عبداللہ میں مزید برف باری متوقع ہے۔  گوادر، خضدار، آواران، چاغی، پنجگور اور کیچ میں بھی تیز ہواؤں کے ساتھ موسلادھار بارش کی پیش گوئی کی گئی ہے ۔ قلات، سوراب، ژوب، خاران، مستونگ، واشک، نوشکی اور موسیٰ خیل میں بارش ہوسکتی ہے۔