سابق گورنر پنجاب انجینئر محمد بلیغ الرحمن کی نواب صلاح الدین عباسی کی والدہ محترمہ کے انتقال پر تعزیت
سابق گورنر پنجاب نے قاضی برہان فرید کے ہمراہ پرنس بہاول خان عباسی سے ملاقات کر کے ہر ہائنس مرحومہ کے ایصال ثواب کے لئے فاتحہ خوانی کی اور سوگوار عباسی خاندان کے صبر جمیل کی دعا کی
ڈیرہ نواب صاحب (سٹاف رپورٹر )سابق گورنر پنجاب انجینیئر محمد بلیغ الرحمن نے آج شام صادق گڑھ پیلس میں امیر آف بہاولپور نواب صلاح الدین عباسی کی والدہ محترمہ کے انتقال پر تعزیت کے لیے ان کے صاحبزادے ولی عہد پرنس بہاول عباس خان عباسی سے ملاقات کی-سابق گورنر پنجاب نے بیگم صاحبہ امیر بہاولپور نواب محمد عباس خان عباسی مرحوم کے انتقال پر اپنے دلی صدمے کا اظہار کیا اور اُنکے ایصال ثواب کے لیےفاتحہ خوانی کی -انہوں نے اس موقع پر ہر ہائنس بیگم صاحبہ امیر آف بہاولپور کی مغفرت اور درجات کی بلندی نیز سوگوار عباسی خاندان کے صبر جمیل کے لیے بھی دعا کی – سابق گورنر پنجاب کے کزن قاضی برہان فرید ان کے ہمراہ تھے